صحت مند طرز زندگی اپنائیں: دھنکھڑ

نائب صدر جگدیپ دھنکھڑنے اتوار کو کہا کہ 2047 تک ترقی یافتہ ہندوستان کی تعمیر کا خواب تبھی پورا ہو سکتا ہے جب تمام ہم وطنوں کی صحت اچھی رہے گی، تب ہی ملک مکمل طور پر طاقتور بن سکتا ہے۔

مہاراشٹر کے گونڈیا میں گورنمنٹ میڈیکل کالج کی نئی عمارت کی بھومی پوجن تقریب سے خطاب کرتے ہوئے نائب صدر دھنکھڑنے ہر ایک سے صحت مند طرز زندگی کو برقرار رکھنے اور آیوروید طرز زندگی کو اپنانے کی اپیل کی  ہےجو کہ ملک کا انمول ثقافتی ورثہ ہے۔ انہوں نے کہا کہ آیوشمان بھارت اسکیم کے ذریعے ملک کے شہریوں کو دنیا کا سب سے بڑا صحت تحفظ کور دیا گیا ہے۔

انہوں نے کہا کہ اس کے ذریعہ نہ صرف شہریوں کو علاج معالجے کے لیے مالی امداد فراہم کی جا رہی ہے بلکہ صحت کی تمام سہولیات بھی انتہائی موثر طریقے سے فراہم کی جا رہی ہیں۔ انہوں نے کہا کہ ہم اچھی صحت کا خیال رکھ کر ایک نئے ہندوستان کی تعمیر میں اپنا حصہ ڈال سکتے ہیں۔

یہ کہتے ہوئے کہ وزیر اعظم نریندر مودی کی پہل کی وجہ سے یوگا پوری دنیا میں پہنچ گیا ہے، جگدیپ دھنکھڑ نے کہاکہ "پہلے عام بیماریوں کے علاج کے لیے بھی بیرون ملک جانا پڑتا تھا۔ اب ملک میں ہر جگہ جدید علاج دستیاب ہیں۔"

مہاراشٹر میں دستیاب طبی تعلیم اور صحت عامہ کی سہولیات پر اطمینان کا اظہار کرتے ہوئے نائب صدر جمہوریہ نے کہا کہ مہاراشٹر حکومت کی طرف سے ضلعی سطح پر سپر اسپیشلٹی اسپتال قائم کرنے کا اقدام قابل ستائش ہے۔

انہوں نے کہاکہ ادویات کی بڑھتی ہوئی قیمتوں پر قابو پانے کے لیے حکومت کی کوششوں کو سراہا۔ مستر دھنکھڑنے قدیم آیوروید کے طرز زندگی کو محفوظ رکھنے کی لوگوں سے اپیل کی۔‘‘