نئی دہلی: وزیر اعظم نریندر مودی کے خلاف قابل اعتراض پوسٹروں کے معاملے میں بڑی کارروائی کرتے ہوئے دہلی پولیس نے اب تک 100 ایف آئی آر درج کی ہیں اور چار ملزمان کو گرفتار کیا ہے۔ درج کی گئی کل ایف آئی آرز میں سے 44 مودی مخالف پوسٹر لگانے کی ہیں۔
Published: undefined
پولیس کے مطابق پوسٹرز میں پرنٹنگ پریس کا نام نہیں لکھا گیا اس لیے بڑے پیمانے پر کارروائی کی جا رہی ہے۔ دیواروں سے 2000 ہزار پوسٹرز ہٹا دیے گئے، جبکہ 2000 ہزار قبضے میں لیے گئے ہیں۔ اب تک 4 ملزمان کو گرفتار کیا گیا ہے جن میں سے 2 پرنٹنگ پریس کے مالکان ہیں۔ ان پوسٹروں پر لکھا تھا ’’مودی ہٹاؤ ملک بچاؤ۔‘‘
Published: undefined
وزیر اعظم مودی کے خلاف یہ قابل اعتراض پوسٹر دہلی کے مختلف علاقوں میں دیواروں اور ستونوں پر چسپاں پائے گئے۔ دہلی پولیس نے آئی پی اسٹیٹ علاقے سے ایک وین پکڑی، جس کے ڈرائیور نے بتایا کہ اس کے مالک نے کہا تھا کہ پوسٹر عآپ کے ہیڈ کوارٹر میں پہنچانے ہیں۔ وہ ایک دن پہلے بھی پوسٹر کو عآپ ہیڈکوارٹر لے گئے تھے۔ دہلی پولیس نے 2 پرنٹنگ پریس کے مالک کو بھی گرفتار کیا، دونوں نے پوسٹرز پر اپنے پرنٹنگ پریس کا نام نہیں لکھا۔
Published: undefined
پولیس کے مطابق، انہیں ایسے 50 ہزار پوسٹرز پرنٹ کرنے کا آرڈر ملا تھا۔ وہ ہفتہ کی رات دیر سے اور پیر کی صبح پوسٹر چسپاں کرتے تھے۔ اس معاملے میں ضلع وسطی میں 2 ایف آئی آر درج کی گئی ہیں اور تین گرفتاریاں کی گئی ہیں۔ اس میں اس گاڑی کے ڈرائیور پپو کو گرفتار کیا گیا، جس میں پوسٹر تھے۔ گاڑی کے مالک وشنو شرما کو بھی گرفتار کر لیا گیا۔ اس کے ساتھ ہی نارائنا سے پرنٹنگ پریس کے مالک کو بھی گرفتار کیا گیا۔
Published: undefined
رپورٹ کے مطابق پولیس نے شمال مشرقی ضلع میں 2 ایف آئی آر، شمالی ضلع میں 6 ایف آئی آر، ضلع شاہدرہ میں 9 ایف آئی آر اور شمال مغربی ضلع میں 12 ایف آئی آر درج کی گئی ہیں۔ نئی دہلی، ساؤتھ ویسٹ، روہنی، آؤٹر ڈسٹرکٹ جیسے علاقوں میں کوئی ایف آئی آر درج نہیں ہوئی۔
خیال رہے کہ دہلی پولیس نے اس معاملے میں قابل ضمانت سیکشن کے تحت کارروائی کی تھی، اس لیے تمام گرفتار لوگوں کو ضمانت مل گئی ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: پریس ریلیز