دہلی کو ملا عام آدمی پارٹی کا میئر، کونسلروں نے کیا شیلی اوبرائے کو منتخب

امید کے مطابق عام آدمی پارٹی کی امیدوار شیلی اوبرائے دہلی کی نئی میئر منتخب ہو گئی ہیں۔ انہوں نے بی جے پی امیدوار ریکھا گپتا کو شکست دی ہے۔ میئر کے انتخاب کے لیے چوتھی مرتبہ بلائے گئے ایوان میں آج ووٹنگ پرامن طریقے سے ہوئی۔ اس دوران نہ کوئی احتجاج ہوا اور نہ ہی کوئی نعرہ بازی۔ ووٹنگ صبح تقریباً 11.30 بجے شروع ہوئی اور 2 گھنٹے سے زیادہ جاری رہی۔ کل 10 نامزد ارکان پارلیمنٹ، 14 نامزد ارکان اسمبلی اور دہلی کے 250 منتخب کونسلروں میں سے 241 نے میئر کے انتخاب میں ووٹ ڈالے۔ کانگریس کے 9 منتخب کونسلروں نے میئر کے انتخاب کا بائیکاٹ کیا ہے۔

دہلی کے ڈپٹی سی ایم منیش سسودیا نے اعلان کیا  کہ عام آدمی پارٹی امیدوار شیلی اوبرائے دہلی کی میئر بن گئی ہیں۔ سسودیا نے ٹوئٹ کیا، "عام آدمی پارٹی کے تمام کارکنوں کو دہلی میونسپل کارپوریشن کا میئر بننے پر بہت بہت مبارکباد اور ایک بار پھر میں دہلی کے لوگوں کا تہہ دل سے شکریہ ادا کرتا ہوں۔ @OberoiShelly، AAP کے پہلی میئر کو بہت بہت مبارک ہو۔"

دہلی ایم سی ڈی انتخابات کے نتائج گزشتہ سال 7 دسمبر کو آئے تھے۔ ایم سی ڈی انتخابات میں اے اے پی نے 134 سیٹیں جیتی ہیں جبکہ بی جے پی نے 104 سیٹیں جیتی ہیں۔ اس کے بعد سے ایوان کے تین اجلاس بلا کر میئر کے انتخاب کا عمل شروع کر دیا گیا۔ تاہم ہنگامہ آرائی کی وجہ سے یہ تینوں بار نہ ہو سکا۔ جس کے بعد معاملہ سپریم کورٹ پہنچا اور عدالت نے جلد از جلد انتخابات کرانے کی ہدایات جاری کی۔ اس کے ساتھ ہی سپریم کورٹ نے واضح کیا کہ ایل جی کے نامزد کردہ کونسلرز میئر کے انتخاب میں ووٹ نہیں دیں گے۔

میئر کے انتخاب کے لیے الیکٹورل کالج 250 منتخب کونسلروں، سات لوک سبھا ممبران پارلیمنٹ اور دہلی کے تین راجیہ سبھا ممبران پارلیمنٹ اور 14 ایم ایل اے پر مشتمل ہے۔ دہلی اسمبلی کے اسپیکر نے آپ کے 13 ایم ایل اے اور ایک بی جے پی ایم ایل اے کو ایوان میں نامزد کیا ہے۔ الیکشن میں ووٹوں کی کل تعداد 274 ہے۔ نمبر گیم عام آدمی پارٹی کے حق میں تھا، جسے بی جے پی کے 113 کے مقابلے میں 150 ووٹ مل  گئے ہیں۔ اس کے علاوہ کانگریس کے 9 کونسلر اور دو آزاد ممبران ہیں۔

عام آدمی پارٹی سے شیلی اوبرائے اور بی جے پی سے ریکھا گپتا دہلی میونسپل کارپوریشن میں میئر کے انتخاب کے لیے میدان میں تھیں۔ ڈپٹی میئر کے لیے بی جے پی کے کمال باگڑی اور عام آدمی پارٹی کے علی محمد اقبال آمنے سامنے تھے۔ اسٹینڈنگ کمیٹی کے لیے عام آدمی پارٹی سے موہنی، ساریکا چودھری اور رامندر کور ہیں۔ بی جے پی کی طرف سے کمل جیت سہراوت، پنکج لوتھرا اور گجیندر سنگھ درال میدان میں ہیں۔ درال آزاد کونسلر کے طور پر منتخب ہوئے، لیکن بعد میں بی جے پی میں شامل ہوگئے۔