دہلی: مسجد میں تعمیر کووڈ سنٹر کے لیے ’الانصار ویلفیئر ٹرسٹ‘ نے دیے آکسیجن سلنڈر

نئی دہلی: سماجی تنظیم الانصار ویلفیئر ٹرسٹ نے دہلی میں مساجد میں تعمیر کووڈ مراکز کے لئے آکسیجن سلنڈروں، معاون آلات اورکھانے کا انتظام شروع کیا ہے۔ الانصار ویلفیئر ٹرسٹ کی ڈائریکٹر عاصمہ عرشی نے منگل کو یہاں بتایا کہ الانصار سماج کے غریب افراد کی دیکھ ریکھ اورکورونا سے حفاظت کے کام کررہا ہے۔ عام لوگوں کو ماسک اورسینیٹائزر تقسیم کیا گیا ہے اور گھر گھرجاکر لوگوں کو اس مصیبت سے بچے رہنے کے طریقوں کے بارے میں بتایا ہے۔

عاصمہ عرشی نے بتایا کہ گزشتہ چندبرسوں سے دہلی میں غریبوں میں راشن تقسیم کیا جارہا ہے۔ انہوں نے کہا کہ دارالحکومت دہلی کے گرین پارک کی ایک مسجد کے کووڈ دیکھ بھال مرکز میں آج سات آکسیجن سلنڈر لگائے گئے اور معاون آلات دیئے گئے۔ انہوں نے کہا کہ ایسی ہی کوشش آگے بھی کی جاتی رہے گی۔