فائل تصویر آئی اے این ایس
ترنمول کانگریس کی رکن پارلیمنٹ مہوا موئترا کے خلاف تحقیقات کررہی پارلیمنٹ کی اخلاقیات کمیٹی نے 7نومبر کو ہونے والی میٹنگ کو ملتوی کردیا ہے۔اس کی جگہ 9نومبر بروز جمعرات کو میٹنگ ہوگی۔کرشنا نگر کی رکن پارلیمنٹ مہوا موئترا کے خلاف پارلیمنٹ میں رشوت کے بدلے سوالات پوچھنے کے الزامات کے سلسلے میں اخلاقیات کمیٹی پہلے ہی میٹنگ کر چکی ہے۔ لیکن گزشتہ جمعرات کو مہوا اس میٹنگ کے درمیان میں ہی باہر آگئی۔ انہوں نے شکایت کی کہ ان سے قابل اعتراض سوالات پوچھے جارہے تھے۔ مہوا نے اس بارے میں لوک سبھا اسپیکر اوم برلا کو خط لکھا۔ اس کے بعد یہ معلوم ہوا کہ مہوا کے خلاف شکایت کو لے کر اخلاقیات کمیٹی منگل کو دوبارہ میٹنگ کرنے والی ہے اور انکوائری رپورٹ اسی دن تیار کی جا سکتی ہے۔ لیکن اچانک میٹنگ کے دن کو تبدیل کردیا گیا ہے۔
Published: undefined
ترنمول کانگریس کے ممبر پارلیمنٹ مہوا موئترا نے بتایاکہ ’’میں نے سنا ہے کہ 9 تاریخ کو میٹنگ بلائی گئی ہے۔ میں اپنے حلقے کرشنا نگرمیں ہوں۔ میں اس سے زیادہ نہیں جانتی ہوں ۔
Published: undefined
لوک سبھا کی اخلاقیات کمیٹی بی جے پی رکن پارلیمنٹ نشی کانت دوبے کی شکایت کی بنیاد پر سماعت کر رہی ہے۔ دوبے نے الزام لگایا کہ مہوا نے دبئی کے صنعتکار درشن ہیرانندانی سے رقم اور تحائف لے کرپارلیمنٹ میں سوالات پوچھے ہیں۔ان سوالوں کے ذریعہ صنعت کار گوتم اڈانی اور وزیر اعظم نریندر مودی کو نشانہ بنایا گیا ہے۔ انہوں نے اسپیکر کو خط لکھ کر مہوا کی معطلی کا مطالبہ بھی کیا ہے۔ اس کے بعد ہیرانندنی نے حلف نامہ میں کہا کہ مہوا پارلیمنٹ کی لاگ ان آئی ڈی کو جانتے ہوئے وہ اس پر سوالات پوسٹ کرتے تھے۔ تاہم انہوں نے رشوت ستانی کا الزام قبول نہیں کیا ہے۔ مہوا نے اپنی لاگ ان آئی ڈی دینے کا اعتراف بھی کیا لیکن رشوت کے الزامات سے انکار کیا۔
Published: undefined
بی جے پی کے ممبر پارلیمنٹ ونود سونکر کی سربراہی میں اخلاقیات کمیٹی نے گزشتہ جمعرات کو مہوا کے دلائل کو سنے۔ حزب اختلاف کے ارکان 15 رکنی پینل میں شامل تھے۔ ترنمول کانگریس کی ایم پی نے میٹنگ ختم ہونے سے پہلے ہی واک آؤٹ کرتے ہوئے کہا کہ ان سے ذاتی اور غیر اخلاقی سوالات پوچھے گئے ہیں۔ مہوا نے لوک سبھا کے اسپیکر اوم برلا کو ایک خط بھی لکھا جس میں الزام لگایا گیا کہ سوالات کے ذریعے زبانی طور پرکپڑے اتارے گئے ہیں۔ تاہم بی جے پی نے اس الزام کی تردید کی ہے۔ سونکر نے جواب دیا کہ مہوا تحقیقات میں ’’عدم تعاون‘‘کر رہی تھیں۔ بی جے پی ممبر پارلیمنٹ اپراجیتا شرنگی نے کہا کہ مہوا نے آداب کے تمام معیارات سے تجاوز کیا ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined