قومی خبریں

ہائی کورٹ کے حکم کے بعد کورونا ورکرز کو بڑی راحت ملی

چھتیس گڑھ ہائی کورٹ نے ریاست میں کورونا کی مدت کے دوران ہیلتھ ورکرز کے طور پر 6 ماہ تک خدمات انجام دینے والے کارکنوں کو سرکاری بھرتی میں 10 نمبر بونس دینے کی ہدایت دی

<div class="paragraphs"><p>چھتیس گڑھ اسمبلی، تصویر سوشل میڈیا</p></div>

چھتیس گڑھ اسمبلی، تصویر سوشل میڈیا

 

بلاس پور: چھتیس گڑھ ہائی کورٹ نے ریاست میں کورونا کی مدت کے دوران ہیلتھ ورکرز کے طور پر 6 ماہ تک خدمات انجام دینے والے کارکنوں کو سرکاری بھرتی میں 10 نمبر بونس دینے کی ہدایت دی۔ ریاستی حکومت نے تین سال پہلے اس کا اعلان کیا تھا، لیکن فائدہ نہیں دیا جا رہا تھا۔

Published: undefined

نواگاؤں ضلع دھمتری کے رہنے والے درخواست گزار چندرکانت ساہو نے کووڈ-19 کے دوران عظیم پریم جی فاؤنڈیشن اور پرائمری کمیونٹی ہیلتھ سنٹر بیلارگاؤں کی طرف سے مشترکہ طور پر چلائے جانے والے کووڈ-19 پروگرام میں کام لیا تھا۔ چھ ماہ مکمل کرنے کے بعد ایسے ملازمین نے سروس مزید جاری رکھنے کی حکومت سے مانگ کی تھی۔ جس پر حکومت نے 7 دسمبر 2021 کو حکم جاری کیا کہ کووِڈ کی مدت کے دوران جن کارکنوں نے چھ ماہ تک کام کیا ہے، ان کو ریاست میں ہونے والی درجہ III اور IV کی آسامیوں پر بھرتی کے عمل میں 10 پوائنٹس بونس دیا جائے گا۔

Published: undefined

عرضی گزار چندرکانت نے محکمہ صحت، دھمتری ضلع کی بھرتی میں عظیم پریم جی فاؤنڈیشن میں کئے گئے اپنے کام کا سرٹیفکیٹ پیش کیا، لیکن اسے نہ مان کر بونس کے دس پوائنٹس نہیں دئے گئے۔ اس پر چندرکانت نے ہائی کورٹ میں عرضی داخل کی۔ ہائی کورٹ کے جسٹس سچن سنگھ راجپوت کی سنگل بنچ نے کیس کی سماعت کے بعد حکم دیا ہے کہ حکومت کے ساتھ مشترکہ طور پر چلائے جانے والے کووڈ-19 پروگرام میں کام کرنے والوں کو بھی 10 پوائنٹس کا بونس دیا جائے۔ اس حکم سے چندرکانت جیسے ملازمین کو بڑی راحت ملی ہے۔

Published: undefined

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔

Published: undefined