کورونا کے نئے ریکارڈ قائم! 2 لاکھ 95 ہزار سے زیادہ نئے کیسز، 2 ہزار سے زیادہ لوگوں کی موت

نئی دہلی: ہندوستان میں کورونا وائرس کی وبا (کووڈ-1) ہر روز نئے ریکارڈ قائم کر رہی ہے اور اس کا بحران مزید شدت اختیار کر رہا ہے۔ مرکزی وزارت صحت کے جاری کردہ تازہ اعدادوشمار کے مطابق، گزشتہ ایک دن میں ہندوستان بھر میں کورونا وائرس کی وجہ سے 2023 افراد دم توڑ گئے۔ اس اثنا میں، 24 گھنٹوں کے دوران 295041 نئے کورونا کے کیسز رپورٹ ہوئے، جبکہ 167457 افراد نے شفایابی حاصل کر لی۔

ملک میں کورونا کیسز کی مجموعی تعداد 15616130 ہو گئی ہے، جن میں سے 13276039 افراد شفایاب ہو چکے ہیں، جبکہ مجموعی طور پر 182553 افراد کی جان چلی گئی ہے۔ ملک میں فی الحال 2157538 کیسز فعال ہیں اور 130119310 افراد کورونا ویکسین کی خوراک حاصل کر چکے ہیں۔

آئی سی ایم آر (انڈین کونسل آف میڈیکل ریسرچ) کے مطابق، ملک میں 20 اپریل تک 271053392 نمونوں کی کورونا کے لئے جانچ کی جا چکی ہے، جبکہ گزشتہ روز 1639357 نمونوں کی جانچ کی گئی۔