یو پی کے 24 اضلاع میں کورونا سے اموات کی تعداد حکومتی اعداد سے 43 گنا زیادہ: اکھلیش

لکھنو: سماج وادی پارٹی (ایس پی) صدر اکھلیش یادو نے اترپردیش حکومت پر کورونا سے ہونے والی اموات کے اعداد کو چھپانے کا سنگین الزام لگایا ہے۔ اکھلیش یادو نے منگل کو ٹوئٹ کیا ’حق اطلاعات کے تحت ملی جانکاری سے یہ انکشاف ہوا ہے کہ 31 مارچ 2021 تک کے کورونا بحران میں نو مہینوں کے اندر یوپی کے 24 اضلاع میں اموات کے اعداد حکومت کے ذریعہ دیئے گئے اعداد سے 43 گنا زیادہ ہے۔ بی جے پی حکومت موت کے اعداد نہیں دراصل اپنا منھ چھپا رہی ہے۔

ادھر ایس پی ترجمان سنیل سنگھ سجان نے کہا کہ ان کی پارٹی شروع سے ہی اس بات کو کہہ رہی تھی کہ حکومت لگاتار کورونا سے لوگوں کی اموات کے اعداد چھپا رہی ہے۔ آخر کار حق اطلاعات کے تحت مانگی گئی جانکاری میں اس بات کا انکشاف ہوگیا ہے۔ موات کے اعداد حکومت اس طرح سے چھپائے گی کسی نہ نہیں سوچا بھی نہیں تھا۔ حکومت جھوٹے اعداد پیش کر کے ملک و دنیا کو کیا پیغام دینا چاہ رہی تھی۔ اعداد چیخ چیخ کر کہہ رہے ہیں کہ حکومت صرف کاغذوں میں منیجمنٹ کا کھیل کھیل رہی ہے۔