مہاراشٹر میں کورونا کا قہر، ایک دن میں 14ہزار سے زیادہ معاملے

مہاراشٹر کے ناگپور میں پہلے ہی لاک ڈاؤن کا اعلان کر دیا گیا ہے اور اب صورتحال کو دیکھتے ہوئے مہاراشٹر کے کئی علاقوں میں لاک ڈاؤن کا خطرہ نظر آ رہا ہے ۔ واضح رہے جمعرات کو ملنے والی رپورٹس کے مطابق ریاست میں کل کورونا کے 14317نئے معاملہ سامنے آئے اور اکیلے ممبئی میں 1500 معاملے رپورٹ ہوئے ۔

وزیر اعلی ادھو ٹھاکرے نے کہا ہے کہ دو تین روز میں کچھ علاقوں میں لاک ڈاؤن نافذ کرنے کا فیصلہ حکومت کر سکتی ہے۔ اس درمیان اور نگ آباد میں رات 9 بجے سے صبح 7 بجے تک محدود لاک ڈاؤن لگایا جا چکا ہے اور اعلان کیا گیا ہے کہ ہفتہ و اتوار کو مکمل لا ک ڈاؤن نافذ رہے گا۔دوسری جانب ناگپور میں 15 مارچ سے 21 مارچ تک مکمل لاک ڈاؤن لگایا جا چکا ہے۔

مہاراشٹر کے کچھ علاقوں میں پہلے ہی پابندیاں لگائی جا چکی ہیں ۔ واضح رہے ملک میں کورونا کے سب سے زیادہ معاملےمہاراشٹر سے رپورٹ ہو رہے ہیں ۔ ملک میں کورونا کی دوسری لہر کی حکومت کی جانب سے کوئی تصدیق نہیں کی گئی ہے لیکن یہ بات کہی جا رہی ہے کہ یہ کورونا وبا کی دوسری لہر ہو سکتی ہے۔واضح رہے چھہ ریاستوں میں 85 فیصد سے زیادہ معاملے سامنے آ ئے ہیں ۔