دہلی میں کورونا کےمعاملوں میں مستقل اضافہ

قومی دارالحکومت دہلی میں اتوار کے روز کورونا وائرس کے 4,136 نئے کیسز سامنے آنے کےبعد کورونا متاثرہ افراد کی تعداد 3.56 لاکھ سے زیادہ ہو گئی ہے لیکن تشویش کی بات یہ ہے کہ اس دوران مریضوں کے صحتیاب ہونے کی شرح میں کمی درج کی گئی ہے جس سے فعال کیسز میں اضافہ ہوا ہے۔ دہلی میں کوروناکے معاملوں میں کمی آنے کے بعد دو دن سے پھر چار ہزار سے زیادہ کیسز سامنےآ رہےہیں۔

دہلی کی وزارت صحت کی جانب سے جاری اعداد و شمار کے مطابق راجدھانی میں متاثرین کی تعداد 3,56,656 ہوگئی۔ اس دوران مزید 3,826 مریضوں کے صحتیاب ہونے سے اب تک کل 3,23,654 افراد کورونا وائرس کو شکست دے چکے ہیں۔ اسی کے ساتھ ہی کورونا مریضوں کے صحتیاب ہونے کی شرح جزوی اضافے کے ساتھ 90.75 فیصد ہو گئی جو ہفتے کے روز 90.72 فیصد تھی۔ اس دوران 3,826 مریضوں کے صحتیاب ہونے کی شرح جزوی طور اضافے کے ساتھ 90.75 فیصد تھی۔ دریں اثناء کورونا وائرس سے مزید 33 مریضوں کی موت ہونے سے ہلاکتوں کی تعداد بڑھ کر 6,258 ہو گئی ہے۔

دہلی میں گذشتہ 24 گھنٹوں میں 49,069 افراد کا ٹیسٹ کیا گیا اور یہاں اب تک وائرس کے کل 43,64,408 سیمپل کا ٹیسٹ کیا جا چکا ہے۔ دار الحکومت میں فی 10 لاکھ پر پانچ کا اوسط اعداد و شمار 2,29,705 ہے۔ تشویش کی بات یہ ہے کہ نئے کیسز کے مقابلے صحتیاب افراد کی تعداد کم ہونے سے فعال کیسز میں اضافہ درج کیا گیا ہے۔ دار الحکومت میں کورونا کے فعال کیسز کی تعداد مزید 277 بڑھ کر آج 26,744 ہو گئی جو ہفتے کے روز 26,467 تھی۔ ان میں سے ہوم آئیسولیشن میں 16,111 افراد داخل ہیں۔

اس درمیان دار الحکومت میں کنٹینمنٹ زون میں ایک بار پھر سے اضافہ درج ہوا ہے اور ان کی تعداد مزید بڑھ کر اب 2893 ہوگئی ہے۔ ہفتے کے روز 2840 تک تھی۔