دہلی میں کورونا وائرس کے ریکارڈ 2137 نئے کیسز، ہلاک شدگان کی تعداد 1214 ہوگئی

قومی دارالحکومت دہلی میں کورونا وائرس کے گزشتہ 24 گھنٹوں کے دوران 2137 ریکارڈ نئے کیسز ملنے سے متاثرین کی مجموعی تعداد 36 ہزار کو عبور کرچکی ہے اور ریکارڈ 71 مریضوں کی موت کے ساتھ ہلاک شدگان کی مجموعی تعداد 12 سو سے متجاوزر کرچکی ہے۔

جمعہ کی رات دہلی کی وزارت صحت کی جانب سے جاری کردہ اعداد و شمار کے مطابق ، گذشتہ 24 گھنٹوں کے دوران کورونا وائرس کے 2137 ریکارڈ کیسز تھے اور متاثرہ افراد کی مجموعی تعداد 36،824 ہو چکی ہے۔

اعداد و شمار میں ہلاک شدگان کی تعداد 71 اورمجموعی تعداد 1214 بتائی گئی ہے۔ تاہم کل کے 1085 کے مقابلہ میں وائرس سے اموات کی مجموعی تعداد میں 129 کا اضافہ ہوا ہے۔

وزارت کے مطابق ، آج دہلی میں 667 مریض اس وائرس سے متاثر ہوئے اور اب تک 13،398 مریض شفایاب ہوچکے ہیں۔ اس وقت قومی دارالحکومت میں 22،212 ایکٹیو کیسز ہیں۔

دہلی حکومت کے مطابق کورونا کے 17261 مریضوں کو گھروں میں آئسو لیشن میں رکھا گیا ہے۔ اب تک 2،77،436 افراد کی کورونا وائرس کی جانچ کی گئی جبکہ کٹینمنٹ زون کی تعداد بڑھ کر 222 ہوگئی ہے۔ دہلی کے اسپتالوں میں کورونا کے بیڈ 9558 ہیں جن میں سے 5361 پر ہے جبکہ 4197 بیڈ خالی ہیں۔ یہاں کل 598 آئی سی یو بیڈ اور وینٹیلیٹر ہیں ، جن میں 345 پرمریض ہیں جبکہ 254 خالی ہیں۔