قومی خبریں

فنڈ کی کمی کے سبب ایودھیا میں مسجد کی تعمیر کا عمل رخنہ انداز، ٹرسٹ نے کئی کمیٹیوں کو کر دیا تحلیل

بابری مسجد تنازعہ کا حل نکالتے ہوئے سپریم کورٹ نے ایودھیا میں دوسرے مقام پر جس مسجد کی تعمیر کا حکم سنایا تھا، وہ منصوبہ آگے نہیں بڑھ پا رہا کیونکہ پروجیکٹ کو فنڈ کی کمی کا سامنا ہے۔

<div class="paragraphs"><p>ایودھیا کے دھنی پور کی مسجد کا نقشہ/ تصویر بشکریہ ٹوئٹر</p></div>

ایودھیا کے دھنی پور کی مسجد کا نقشہ/ تصویر بشکریہ ٹوئٹر

 

اتر پردیش کے ایودھیا واقع دھنّی پور میں جس عالیشان مسجد کی تعمیر کا سبھی لوگ بے صبری سے انتظار کر رہے ہیں، وہ دن بہ دن طویل ہوتا جا رہا ہے۔ تعمیر کا عمل پوری طرح سے ٹھپ پڑا ہوا ہے اور اب خبریں سامنے آ رہی ہیں کہ فنڈ کی کمی کے سبب کام آگے نہیں بڑھ پا رہا۔ اس درمیان دھنّی پور مسجد کی تعمیر کی نگرانی کرنے کے مقصد سے سنی سنٹرل وقف بورڈ کے ذریعہ تشکیل ’انڈو اسلامک کلچرل فاؤنڈیشن‘ (آئی آئی سی ایف) نے تعمیر مسجد کے لیے بنی ایک کمیٹی سمیت مجموعی طور پر 4 کمیٹیوں کو تحلیل کر دیا ہے۔

Published: undefined

بتایا جا رہا ہے کہ آئی آئی سی ایف مسجد تعمیر پروجیکٹ کے لیے پیسہ جمع کرنے میں تیزی لانے کے امکانات تلاش کر رہا ہے۔ ایسا اس لیے کیونکہ یہ پروجیکٹ پیسے کی کمی کے سبب متاثر ہو رہا ہے۔ جن کمیٹیوں کو تحلیل کیے جانے کی خبریں سامنے آ رہی ہیں ان میں ایڈمنسٹریٹو کمیٹی، فنانس کمیٹی، ڈیولپمنٹ کمیٹی-مسجد محمد بن عبداللہ اور میڈیا و تشہیر کمیٹی شامل ہیں۔

Published: undefined

آئی آئی سی ایف کے چیف ٹرسٹی اور سنی سنٹرل وقف بورڈ کے چیئرمین ظفر فاروقی نے بتایا کہ 19 ستمبر کو ہوئی آئی آئی سی ایف کی میٹنگ میں یہ فیصلہ لیا گیا۔ یہ میٹنگ فاروقی کی صدارت میں ہی ہوئی تھی۔ آئی آئی سی ایف کے اراکین کا کہنا ہے کہ اب ان کی توجہ بہتر روابط قائم کرنے اور غیر ملکی عطیہ (ریگولیٹری) ایکٹ (ایف سی آر اے) کے تحت ضروری منظوریاں حاصل کرنے کا عمل تیز کرنے پر ہے، جس کے بعد ٹرسٹ بیرون ممالک سے چندہ حاصل کرنے میں اہل ہوگا۔

Published: undefined

آئی آئی سی ایف اراکین کا کہنا ہے کہ ایودھیا کے دھنّی پور گاؤں میں پانچ ایکڑ اراضی الاٹ کیے جانے کے بعد سے گزشتہ چار سالوں میں صرف ایک کروڑ روپے جمع کیا گیا ہے جو کہ ’شرمندہ کرنے والی بات‘ ہے۔ آئی آئی سی ایف کے سکریٹری اطہر حسین نے بتایا کہ ’’ٹرسٹ نے اس سلسلے میں سبھی ضروری تفصیلات مرکز کو مارچ میں دے دی ہیں اور اب پوری توجہ ضروری منظوریاں حاصل کر مسجد تعمیر پروجیکٹ میں تیزی لانے پر ہے۔‘‘

Published: undefined

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔

Published: undefined