منفی سیاست سے ملک کا فائدہ نہیں ہوگا: پائلٹ

جے پور: راجستھان کے نائب وزیراعلی سچن پائلٹ نے وزیراعظم نریندر مودی کے سابق وزیراعظم راجیو گاندھی پر کیے گئے تبصرہ کو ناشائستہ قرار دیتے ہوئے کہا کہ منفی سیاست کرنے سے ملک کا فائدہ نہیں ہوسکتا۔

سچن پائلٹ نے آج یہاں میڈیا سے کہا کہ پی ایم مودی نے راجیو گاندھی پر ناشائستہ بیان دیا، جس کی وہ مذمت کرتے ہیں۔ ایسی منفی سیاست سے ملک کا کوئی فائدہ نہیں ہونے والا نہیں ہے۔ انہوں نے کہا کہ راجستھان میں لوک سبھا انتخابات کا پہلا مرحلہ ہوچکا ہے اور دوسرے مرحلہ کے لئے پولنگ ہو رہی ہے۔ انہیں یقین ہے کہ ریاست کی کانگریس حکومت کے تین مہینہ کی مدت کار میں پوری طرح کامیاب رہنے اور ی ایم مودی اور بھارتیہ جنتا پارٹی (بی جے پی) کے دیگر لیڈروں کی منفی سیاست پر علی، بجرنگ بلی، مذہب وغیرہ کے بہانے اپنے ناکامیوں پر پردہ ڈالنے کی وجہ سے کانگریس کامیاب رہے گی۔

انہوں نے کہا کہ لوک سبھا انتخابات میں کانگریس نے وسیع تشہیر کی ہے اور ا س سے پہلے اسمبلی انتخابات میں بھی اس نے عوام کا اعتماد جیتا ہے جبکہ اس وقت بھی بی جے پی کے سینئر لیڈروں نے انتخابی تشہیر کی تھی اور اس بار لوک سبھا میں بھی کی ہے لیکن وہ میک ان انڈیا، سوچھ بھارت، مہنگائی، بے روزگاری وغیرہ امور کی بات نہیں کر رہے ہیں۔ انہوں نے کہا کہ وہ لوگوں کے اصل امور سے توجہ ہٹانے کے لئے منفی سیاست کررہے ہیں۔

سچن پائلٹ نے اس الیکشن کو فیصلہ کن انتخابات قرار دیتے ہوئے دعو ی کیا کہ راجستھان میں کانگریس اپنا مشن۔ 25 پورا کرے گی اور ملک میں کانگریس کی قیادت میں ترقی پسند اتحاد کو پھر سے موقع ملے گا۔