آفس آف پروفٹ کیس: منی پور میں خود کو بچانے کے لیے گورنر کا استعمال کر رہی بی جے پی، راہل گاندھی کا الزام

کانگریس کے سابق صدر راہل گاندھی نے ایک بار پھر بی جے پی کو تنقید کا نشانہ بنایا ہے۔ راہل گاندھی نے ایک ٹوئٹ کیا ہے جس میں لکھا ہے کہ سال 2018 میں منی پور کے 12 اراکین اسمبلی کو نااہل قرار دیا جانا چاہیے تھا۔ انھوں نے مزید لکھا ہے کہ ’’اب ہندوستانی انتخابی کمیشن نے بتایا ہے کہ منی پور کے گورنر کو پہلے ہی اس کی ہدایت دے دی گئی تھی لیکن ابھی تک کوئی کارروائی نہیں ہو پائی ہے۔‘‘

کانگریس رکن پارلیمنٹ راہل گاندھی کا کہنا ہے کہ بی جے پی کو بچانے کے لیے گورنر کا استعمال کرنا پوری طرح سے غیر آئینی ہے۔