ارےاوجیٹلی کتنا ٹیکس رکھاہےسرکارنےسب پر…

راہل گاندھی نے ٹیکس اصلاحات اور نوٹ بندی کے تعلق سے وزیر اعظم پر زبردست حملہ بول رکھا ہے۔ انہوں نے گاندھی نگر کی ایک عوامی ریلی کے دوران جی ایس ٹی کو گبر سنگھ ٹیکس کہا تھا ۔ اس بیان کے بعد سے کانگریس کے آئی ٹی سیل کو نیا آئیڈیا ہاتھ لگ گیا اور انہوں نے فعال طریقہ سے شعلے کے متعدد ڈائیلاگز کا سہارا لیتے ہوئے حکومت پر نشانہ ل سادھنا شروع کر دیا ہے۔ گبر سنگھ کے کئی پوسٹروں کے ساتھ شعلے فلم کے ڈائیلاگ کو تبدیل کرکے کانگریس لگاتار جی ایس ٹی اور نوٹ بندی کے حوالے سے مودی حکومت پر حملہ بول رہی ہے۔ کانگریس نے ایسے 6 پوسٹر ریلیز کئے ہیں جن میں گبر سنگھ کے ڈائیلا گ کو موڈیفائی کیا گیا ہے۔ پہلے پوسٹر میں ڈائیلاگ ہے، ’’ارے او سامبا کتنا انعام رکھے ہے سرکار ہم پر ‘ ‘ اسے تبدیل کر کے لکھا گیا ہے، ’’ ارے او جیٹلی کتنا ٹیکس رکھے ہے سرکار ہم پر‘‘۔

دوسرے پوسٹرمیں لکھا گیا ہے ، ’’کیا سوچ کر آئے تھے ، صاحب 15 لاکھ دے گا، شاباسی دے گا، اب تو دے ...جی ایس ٹی‘‘۔ ایسے ہی دیگر چار اور پوسٹر بھی کانگریس کی آئی ٹی سیل کی طرف سے جاری کئے گئے ہیں۔ اُن پوسٹرس کو آپ نیچے دیکھ سکتے ہیں۔