قومی خبریں
وزیر اعلیٰ اروند کیجریوال کا ایل جی کے نام مکتوب، اختتامِ ہفتہ کرفیو ختم کرنے کی سفارش
کورونا کے معاملوں میں اچھال کے بعد قومی راجدھانی دہلی میں نافذ کئے گئے ویک اینڈ (اختتام ہفتہ) کرفیو کو دہلی کے وزیر اعلیٰ اروند کیجریوال نے ختم کرنے کا فیصلہ کیا ہے
نئی دہلی: کورونا کے معاملوں میں اچھال کے بعد قومی راجدھانی دہلی میں نافذ کئے گئے ویک اینڈ (اختتام ہفتہ) کرفیو کو دہلی کے وزیر اعلیٰ اروند کیجریوال نے ختم کرنے کا فیصلہ کیا ہے۔ کیجریوال نے دہلی کے ایل جی (لیفٹیننٹ گورنر) انل بیجل کے نام مکتوب ارسال کرتے ہوئے ویک اینڈ کرفیو ختم کرنے کی سفارش کی ہے۔
Published: undefined
میڈیا رپورٹ کے مطابق دہلی میں کورونا کے معاملوں میں گراوٹ آنے کے بعد دہلی کے وزیر اعلیٰ اروند کیجریوال نے دہلی میں نافذ ویک اینڈ کرفیو کو ختم کرنے کی سفارش کو منظوری دی ہے۔ ایل جی کو جو سفارش بھیجی گئی ہے اس میں بازاروں میں آڈ ایون کے اصلو کو ہٹانے اور نجی دفاتر کو 50 فیصد گنجائش کے ساتھ کھلونے کی اجازت دینے کا بھی مطالبہ کیا ہے۔
Published: undefined
ملک کی راجدھانی دہلی میں گزشتہ 24 گھنٹوں کے دوران کورونا کے 12306 نئے معاملے درج کئے گئے ہیں۔ جبکہ نمونوں کے پازیٹو آنے کی شرح 21.48 فیصد ہے۔
دہلی میں کورونا کے نئے کیسز میں گراوٹ درج ضرور کی جا رہی ہے تاہم گزشتہ 24 گھنٹوں کے دوان 43 مریضوں کی موت واقع ہوئی اور یہ تعداد تیسری لہر کے دوران سب سے زیادہ ہے دہلی میں 10 جون کے بعد ایک دن میں سب سے زیادہ اموات کل ہی درج کی گئی ہیں۔
Published: undefined
ادھر ملک بھر میں کورونا کے نئے معاملوں میں اضافہ درج کیا جا رہا ہے۔ جمعہ کے روز جاری کئے گئے اعداد و شمار کے مطابق گزشتہ 24 گھنٹوں کے دوان ملک بھر میں کورونا کے 3 لاکھ 47 ہزشار 254 کیسز درج کئے گئے۔ وہیں ایک دن میں 403 مریضوں کی موت واقع ہو گئی۔ ملک بھر میں اب تک 4 لاکھ 88 ہزار 396 افراد کورونا کے سبب دم توڑ چکے ہیں۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined