ہرطرف ہندوستان زندآباد کے نعرے، ڈھول اور پٹاخوں کی گونج، ملک میں دیوالی جیسا ماحول

ہندوستان نے ٹی ٹوینٹی عالمی  کپ کے فائنل میچ میں جنوبی افریقہ کو شکست دے کر تاریخ رقم کر دی ہے۔ اس کے بعد ملک بھر میں جشن کا ماحول ہے۔ دہلی-این سی آر سمیت ملک کے ہر حصے میں جشن منایا جا رہا ہے۔ ہندوستان  کی جیت کے بعد دیوالی جیسا ماحول ہے، لوگوں نے دیر رات تک  سڑکوں پر جشن منایا ، کہیں ڈھول بجا رہے تھے تو کہیں پٹاخے  چھوڑ تے نظر آئے ۔

ہندوستان  اور جنوبی افریقہ کے درمیان دلچسپ میچ میں ہندوستان نے دنیا کو فتح کر لیا۔ جیسے ہی عالمی  کپ ہندوستان کے کھاتے میں آیا، ملک کا ہر باشند ہ  جوش سے بھر گیا اور اس کا خوشی ٹھکانا نہیں رہا۔ دہلی کے کئی علاقوں میں لوگ سڑکوں پر آگئے اور جشن منانے لگے۔ اسی وقت نوئیڈا کے سیکٹر 75 میں لوگوں نے پٹاخے پھوڑے۔

وارانسی میں رات دیر گئے ٹیم انڈیا کی جیت کا جشن بڑے دھوم دھام سے منایا گیا۔ لوگ ہندوستانی  کھلاڑیوں کے پوسٹر اٹھائے پارکوں میں پہنچے۔ لوگوں نے جشن مناتے ہوئے آتش بازی کی۔

رات گئے مدھیہ پردیش کی راجدھانی بھوپال کا منظر بدل گیا تھا۔ ہندوستان  کی جیت کے بعد سینکڑوں لوگ سڑکوں پر نکل آئے۔ ہر شخص جوش و خروش، خوشی اور ولولہ سے لبریز تھا۔ لوگ انڈیا انڈیا کے نعرے لگاتے نظر آئے۔ اس کے ساتھ ہی لوگوں نے ایک دوسرے کو مبارکباد دی۔

یوپی کی راجدھانی لکھنؤ میں جشن کا ماحول رہا۔ خوشی سے بھرے لوگ اپنی گاڑیوں کے اوپر چڑھ گئے۔ لوگ گانوں کی دھنوں پر رقص کرتے نظر آئے۔ جبکہ کچھ نوجوان انوکھے انداز میں تیاری کرکے آئے۔آندھرا پردیش کے اننت پور میں بھی لوگوں نے ہندوستان کی جیت کا جشن منایا۔ لوگوں نے سڑکوں پر آتش بازی کی۔ لوگوں کو ہاتھوں میں ترنگا لے کر سڑکوں پر جشن مناتے ہوئے دیکھا گیا۔

ممبئی میں لوگوں نے خاص انداز میں ہندوستان کی جیت کا جشن منایا۔ لوگوں کو ڈھول کی تھاپ پر رقص کرتے دیکھا گیا جن کے ہاتھوں میں پوسٹر، بینرز اور شیلڈز تھیں۔ اس کے ساتھ لوگوں نے انڈیا انڈیا کے نعرے بھی لگائے۔