فحش ویب سائٹ ہوسٹنگ کے معاملے میں دہلی کے کئی مقامات پر چھاپہ

سنٹرل بیورو آف انویسٹی گیشن (سی بی آئی) نے بچوں کے جنسی استحصال سے متعلق فحش ویب سائٹوں کی ہوسٹنگ کرنے والی کمپنی اور ان کے ڈائرکٹروں کے دہلی کے مختلف کمپلکس میں چھاپے مارے۔

سی بی آئی ذرائع نے منگل کے روز یہاں بتایا کہ تفتیشی ایجنسی نے دارالحکومت کے پچھم وہار میں واقع ایک پرائیویٹ کمپنی، اس کے ڈائریکٹرز اور کچھ نامعلوم افراد کے خلاف انفارمیشن ٹکنالوجی ایکٹ 2000 کی دفعہ 67-بی اور بچوں سے متعلق جنسی جرائم کی روک تھام (پوکسو) ایکٹ 2012 کی دفعہ 15 اور 21 (2) کے تحت مقدمہ درج کیا گیا ہے۔

ان کے خلاف روسی ڈومین والی ویب سائٹ کی ہوسٹنگ کا الزام ہے جس میں بچوں کے جنسی استحصال سے متعلق مواد اپ لوڈ کیا گیا تھا۔

سی بی آئی نے بتایا کہ تفتیشی ایجنسی نے کمپنی سے وابستہ ڈائریکٹرز کی رہائش گاہوں اور دفاتروں پر جانچ ایجنسیوں نے چھاپے مارے اور وہاں سے الیکٹرانک ڈیوائسز اور قابل اعتراض دستاویزات برآمد کیے گئے ہیں۔ ابھی تفتیش جاری ہے۔ واضح رہے کہ سی بی آئی نے آن لائن بچوں سے متعلق جنسی جرائم سے جڑے معاملوں کے لئے ایک الگ یونٹ قائم کی ہوئی ہے