مغربی بنگال کی وزیر اعلیٰ ممتا بنرجی / تصویر: آئی اے این ایس
لوک سبھا انتخابات 2024 کے لیے ووٹنگ کے چار مراحل مکمل ہو چکے ہیں اور ابھی تین باقی ہیں۔ ان بقیہ تینوں مراحل کو اپنے لیے ہموار کرنے میں تمام سیاسی پارٹیاں مصروف ہیں جس کے لیے ایک دوسرے پر تنقیدوں کا سلسلہ بھی جاری ہے۔ اسی تناظر میں مغربی بنگال کی وزیر اعلیٰ اور ترنمول کانگریس کی سربراہ ممتا بنرجی نے بی جے پی پر حملہ کرتے ہوئے کہا کہ بی جے پی کی حکومت ہمیشہ نہیں رہے گی۔
Published: undefined
بنگال کے ہلدیہ میں ایک جلسہ عام سے خطاب کرتے ہوئے وزیر اعلیٰ ممتا بنرجی نے بی جے پی سے بدلہ لینے کی دھمکی بھی دی۔ انہوں نے الزام لگایا کہ نندی گرام میں انہیں ہرانے کے لیے انتخابی نتائج تبدیل کیے گئے۔ انہوں نے کہا کہ میں آج یا کل بدلہ ضرور لوں گی، بی جے پی، ای ڈی، سی بی آئی ہر وقت نہیں رہے گی۔
Published: undefined
ٹی ایم سی کی سربراہ نے کہا کہ میں آپ کو اسمبلی انتخابات کے دوران نندی گرام واقعہ کے بارے میں پہلے ہی بتا چکی ہوں، مجھے دھوکہ دیا گیا، بے ایمانی اور دھوکے بازی کی گئی۔ میرے ووٹ لوٹ لیے اور دھاندلی بھی ہوئی۔ انتخابات سے پہلے ڈی ایم، ایس پی، آئی سی کو تبدیل کیا گیا اور الیکشن ختم ہونے کے بعد لوڈ شیڈنگ کے ذریعے نتائج تبدیل کر دیے گئے۔ میں آج نہیں تو کل اس کا بدلہ ضرور لوں گی۔ بی جے پی کی حکومت ہمیشہ نہیں رہے گی۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined