بہار کی بیٹی النکرتا ساکشی کو 'گوگل' سے ملا 60 لاکھ کا پیکیج

دنیا کی سب سے بڑی سافٹ ویئر کمپنی 'گوگل' نے بہار کے بھاگلپور ضلع کے نوگچھیا سب ڈویژنل دفتر کے ہیڈ کلرک راجیو نین کی چھوٹی بہو النکرتا ساکچھی کو 60 لاکھ روپے کے پیکیج پر سافٹ ویئر انجینئر کے عہدے پر کام کرنے کا موقع دیا ہے۔ وہ نوگچھیا کے سمرا گاؤں کے شنکر مشرا کی بیٹی ہیں جو فی الحال جھارکھنڈ کے کوڈرما میں مقیم ہیں۔

النکرتا ساکشی کے سسر راجیو نین چودھری نے بتایا کہ گوگل کمپنی میں آنے سے پہلے وہ دو سال تک بنگلورو میں وپرو کمپنی میں، ایک سال ارنسٹ اینڈ ینگ کمپنی میں اور ایک سال سیمسنگ ہارمن میں کام کر چکی ہیں۔ یہیں سے ان کا انتخاب گوگل میں ہوا۔ انہوں نے آگے بتایا کہ 8 دسمبر 2023 کو میرے بیٹے منیش کمار کی شادی النکرتا سے ہوئی تھی۔ منیش بھی بنگلورو میں ایک سافٹ ویئر کمپنی میں کام کرتے ہیں۔

النکرتا کا آبائی گھر نوگچھیا کا سمرا گاؤں ہے جبکہ ان کا کنبہ ابھی جھارکھنڈ کے کوڈرما ضلع کے جھمری تلیا میں رہ رہا ہے۔ ان کے والد شنکر مشرا کوڈرما میں پرائیویٹ نوکری کرتے ہیں اور ماں ریکھا مشرا ایک پرائیویٹ اسکول میں ٹیچر ہیں النکرتا کا بچپن جھارکھنڈ کے کوڈرما میں گزرا اور وہیں سے ان کی پڑھائی لکھائی ہوئی۔ انہوں نے کوڈرما سے 10ویں، جواہر نودیہ ودیالیہ کوڈرما سے 12ویں اور پھر ہزاری باغ سے بی ٹیک کیا۔ النکرتا دو بہنیں اور ایک بھائی ہیں۔

دونوں خاندانوں کو اس بات کی بہت خوشی ہے کہ گوگل جیسی عالمی شہرت یافتہ کمپنی سے 60 لاکھ روپے کے پیکیج پر ان کی بیٹی کا انتخاب ہوا ہے۔ یہ بہت ہی فخر اور خوشی کی بات ہے کہ ان کے گھر سے کوئی فرد  گوگل میں کام کر رہا ہے۔ النکرتا ساکشی ان سبھی لڑکیوں کے لیے قابل تقلید ہیں جو خود انحصار ہوکر اپنے خاندان سے لے کر ملک تک کا نام روشن کرنا چاہتی ہیں۔