دہرادون: بدری ناتھ شاہراہ پر ہیلانگ میں پہاڑی سے ملبہ گرنے کی وجہ سے راستہ بند ہو گیا ہے، چنانچہ انتظامیہ نے بدری ناتھ یاترا کو فی الحال معطل کر دیا ہے۔ پولیس نے گوچر، کرن پریاگ اور لانگاسو میں رکاوٹیں کھڑی کر کے بدری ناتھ جانے والے عقیدت مندوں احتیاطاً کو اپنے اپنے مقام پر ٹھہرنے کے لیے کہا ہے۔
Published: undefined
سی او کرن پریاگ امت کمار نے کہا ’’ہیلانگ میں بدری ناتھ روڈ کے کھلنے پر ہی یاتروں کو آگے کے سفر کی اجازت دی جائے گی۔ ٹریفک سیکورٹی کے تئیں پولیس الرٹ ہے اور پولیس کی جانب سے ہی یہ فیصلہ لیا گیا ہے۔‘‘
دریں اثنا، بدری ناتھ شاہراہ پر تودے گرنے کی ایک ویڈیو بھی منظر عام پر آئی ہے، جو کافی خوف ناک ہے۔ ویڈیو میں لوگوں کے چیخنے کی آوازیں بھی سنائی دے رہی ہیں اور لوگوں کو ادھر ادھر بھاگتے ہوئے بھی دیکھا جا سکتا ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: پریس ریلیز