جے رام رمیش / آئی اے این ایس
کانگریس نے مرکز کی مودی حکومت پر اپنے سیاسی فائدے کے لیے فوج کا استعمال کیے جانے کو لے کر زوردار حملہ کیا ہے۔ کانگریس لیڈر جئے رام رمیش نے پیر کے روز اپنے ایک بیان میں حکومت کے ذریعہ سرکاری منصوبوں کی تشہیر کے لیے فوج کا استعمال کیے جانے کو گھٹیا کوشش ٹھہرایا ہے۔ انھوں نے سوشل میڈیا پلیٹ فارم ایکس کے ذریعہ صدر جمہوریہ دروپدی مرمو سے اس معاملے میں فوری مداخلت کا مطالبہ بھی کیا ہے۔
Published: undefined
واضح رہے کہ حال ہی میں ایک میڈیا رپورٹ سامنے آئی تھی جس میں دعویٰ کیا گیا تھا کہ فوج ملک بھر میں سرکاری منصوبوں کی تشہیر میں مدد کرے گی۔ اسی پر کانگریس کا رد عمل سامنے آیا ہے۔ کانگریس لیڈر نے اپنے پوسٹ میں اس میڈیا رپورٹ کو بھی منسلک کیا ہے جس میں اس سے متعلق خبر شائع ہوئی ہے۔
Published: undefined
کانگریس جنرل سکریٹری (مواصلات) جئے رام رمیش کا کہنا ہے کہ ہندوستانی فوج پورے ملک کی فوج ہے اور ہمیں فخر ہے کہ ہماری بہادر فوج کبھی بھی ملک کی داخلی سیاست کا حصہ نہیں بنی۔ انھوں نے مودی حکومت پر حملہ کرتے ہوئے کہا کہ ’’ساڑھے نو سال کی حکومت کے دوران مہنگائی، بے روزگاری اور سبھی محاذ پر ناکام رہنے کے بعد مودی حکومت اب فوج سے اپنی سیاسی تشہیر کرانے کا بے حد گھٹیا کوشش کر رہی ہے۔ فوج کی سیاست کاری کرنے کی یہ کوشش بے حد خطرناک قدم ہے۔‘‘
Published: undefined
جئے رام رمیش نے اپنے پوسٹ کے آخر میں لکھا ہے کہ ’’ہندوستانی افواج کی اعلیٰ کمانڈر صدر جمہوریہ دروپدی مرمو جی سے ہماری گزارش ہے کہ وہ اس معاملے میں مداخلت کر کے مودی حکومت کو اس غلط قدم کو فوراً واپس لینے کی ہدایت دیں۔‘‘
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined