سوشل میڈیا
ممبئی: جیٹ ایئرویز کے بانی نریش گویل کی اہلیہ انیتا گویل کا جمعرات کی صبح انتقال ہو گیا۔ وہ مدت طویل سے کینسر کی بیماری میں مبتلا تھیں۔ انیتا گویل کے کنبہ میں ان کے شوہر اور دو بچے نمرتا اور نیوان گویل ہیں۔ رپورٹ کے مطابق انیتا گویل نے جمعرات کو علی الصبح تین بجے آخری سانس لی۔ انیتا گویل جیٹ ایئرویز کے آپریشنز سے وابستہ تھیں اور وہ کمپنی کی ایگزیکیوٹیو وائس پریزیڈنٹ بھی تھیں۔
Published: undefined
خود کئی صحت سے متعلق مسائل سے دو چار نریش گویل نے رواں مہینے کے اوائل میں بامبے ہائی کورٹ سے اپنی بیوی کے ساتھ رہنے کے لئے انسانی بنیادوں پر عبوری ضمانت دینے کی درخواست کی تھی۔ انہیں منی لانڈرنگ کے سلسلہ میں یکم ستمبر 2023 کو گرفتار کیا گیا تھا۔ وہ فی الحال عدالتی تحویل میں ہیں اور آرتھر روڈ جیل میں قید ہیں۔
Published: undefined
ای ڈی نے دعوی کیا ہے کہ انہوں نے کینرا بینک کی جانب سے جیٹ ایئرویز کو دئے گئے 538.62 کروڑ روپے کے قرض میں ہیرا پھیری کی تھی۔ اپنی درخواست ضمانت پیش کرتے ہوئے نریش گویل نے کہا تھا کہ انہوں نے نجی فائدہ کے لئے قرض کی رقم کا غلط استعمال نہیں کیا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined