انتخابی تشہیر کی سرگرمیوں کے درمیان راہل گاندھی نے سیلون میں بنوائی داڑھی، دیکھیں تصویری جھلکیاں

اتر پردیش کی رائے بریلی لوک سبھا سیٹ سے کانگریس امیدوار راہل گاندھی ان دنوں اتر پردیش میں سرگرمی کے ساتھ انتخابی تشہیر کر رہے ہیں۔ گزشتہ روز وہ رائے بریلی میں تھے جہاں مختلف مقامات پر انھوں نے عوام سے ملاقات کی اور جلسۂ عام سے خطاب بھی کیا۔ انتخابی تشہیر کی ان سرگرمیوں کے درمیان وہ رائے بریلی میں اچانک ایک حجام کی دکان (سیلو) پہنچ گئے اور حجام سے کہا کہ ان کی داڑھی بنا دیں۔ یہ دکان پر موجود حجاموں کے لیے ایک خوشگوار لمحہ تھا جب راہل گاندھی نے نہ صرف وہاں اپنی داڑھی چھنٹوائی (ٹرمنگ)، بلکہ مختلف موضوعات پر ان سے گفتگو بھی کی۔

راہل گاندھی نے سیلون میں داڑھی ٹرمنگ کرواتے ہوئے کچھ تصویریں سوشل میڈیا پلیٹ فارم فیس بک پر شیئر کی ہیں اور ساتھ ہی لکھا ہے کہ ’’رائے بریلی میں ریلیوں کے درمیان بھائی کی دکان پر تھوڑی بیئرڈ ٹرمنگ (داڑھی بنوانا) کروا لی۔ تھوڑی گرمی سے راحت بھی مل گئی اور لگے ہاتھ موجودہ حالات، ان کی خواہشات پر دلچسپ بات چیت بھی ہو گئی۔‘‘

بہرحال، راہل گاندھی نے جو تصویریں شیئر کی ہیں، وہ دیکھنے لائق ہیں۔ آئیے آپ بھی ان تصویروں پر ایک نظر ڈالیے۔