مہاراشٹر میں حکومت سازی کو لے کر شیو سینا-بی جے پی کے درمیان تلخیاں بڑھتی ہی جا رہی ہیں۔ کئی بار ایسا ضرور لگا کہ شیو سینا لاکھ اختلافات کے باوجود بی جے پی کے ساتھ جائے گی، لیکن ابھی تک اس نے اپنے پتے نہیں کھولے ہیں۔ اس درمیان جمعرات کو اس وقت سیاسی سرگرمیاں تیز ہو گیئں جب شیو سینا کے سینئر لیڈر اور قومی ترجمان سنجے راؤت اچانک این سی پی سربراہ شرد پوار سے ملنے ان کے گھر پہنچ گئے۔ دونوں لیڈروں کے درمیان کیا باتیں ہوئیں، یہ تو نہیں معلوم، لیکن ریاست کے سیاسی گلیارے میں ایک طوفان سا برپا ہو گیا۔
Published: 01 Nov 2019, 10:10 AM IST
سنجے راؤت اور شرد پوار کی میٹنگ کے بعد آج مہاراشٹر کانگریس کے سینئر لیڈران کانگریس صدر سونیا گاندھی سے ملاقات کرنے والے ہیں۔ اس خبر نے مہاراشٹر کی سیاست میں مزید گرمی پیدا کر دی ہے۔ میڈیا ذرائع کے مطابق مہاراشٹر کانگریس کے صدر بالا صاحب تھوراٹ، اشوک چوہان، پرتھوی راج چوہان اور مانک راؤ ٹھاکرے کی سونیا گاندھی سے ملاقات طے ہے اور یہ انتہائی اہم میٹنگ ہوگی۔ چونکہ یہ میٹنگ میں شرد پوار اور سنجے راؤت کی ملاقات کے بعد ہو رہی ہے اس لیے لوگ کافی کچھ سوچنے پر مجبور ہیں۔ بی جے پی میں بھی اس ملاقات کو لے کر کافی ہلچل ہے۔
Published: 01 Nov 2019, 10:10 AM IST
حالانکہ این سی پی سربراہ شرد پوار سے ملاقات کو سنجے راؤت نے اخلاقی ملاقات قرار دیا ہے۔ ملاقات کے بعد سنجے نے میڈیا سے کہا تھا کہ وہ پوار کو دیوالی کی مبارکباد دینے گئے تھے۔ حالانکہ ساتھ ہی انھوں نے یہ بھی جوڑا کہ ملاقات میں ان دونوں لیڈروں نے مہاراشٹر کی سیاست پر بھی گفتگو کی۔ ان کا یہ بیان کافی کچھ ظاہر کر دیتا ہے۔ راؤت کے بیان کو سیاسی نظر سے دیکھنے والے کہہ رہے ہیں کہ شیو سینا کوئی بڑا قدم اٹھا سکتی ہے جس سے بی جے پی کو مشکلیں پیدا ہو جائیں گی۔
Published: 01 Nov 2019, 10:10 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 01 Nov 2019, 10:10 AM IST