افروزل کی بچی سوتے سوتے چیخ رہی ہے، وزیر اعظم خاموش!

ساٹھ سالہ راجو شیخ جس کا 35 سالہ بیٹا راج سمند میں کام کرتا ہے وہ اتنا خوفزدہ ہے کہ اس نے اپنے بیٹے کو فورا واپس بلا لیا ہے۔ اس کا کہنا ہے،

افروزل کے پورے گاؤں میں یہ خوف کا ماحول ہے۔ خود افروزل کے گھر کا تو یہ حال ہے کہ اس کہ اس کی چھوٹی بیٹی حبیبہ نیند سے سوتے سوتے اٹھ جاتی ہے اور چیخنے لگتی ہے۔ افروزل کی بیوی گل بہار کا کہنا ہے،

جو حالت اور جذبات گل بہار کے گھر کے ہیں ویسی ہی صورتحال پورے سید پور گاؤں کی ہے اور بڑی تعداد میں راجستھان میں کام کر رہے مزدور گھر واپس آ رہے ہیں۔ ان کے گھر والے اتنے خوفزدہ ہیں کہ وہ فون کر کے اپنے عزیزوں کو واپس بلا رہے ہیں ’’ہمیں نہیں چاہئے ایسے پیسے جہاں جان محفوظ نہ ہو‘‘۔

ایسے دل دہلانے والے واقعہ پر افسوس کے اظہار کے بجائے وشو ہندو پریشد، راج سمند ،کے عہدے دار ہیمندرا کھتری کا کہنا ہے کہ، ’’اس کی جانچ کی جانی ضروری ہے کہ بنگال سے جومزدور آ رہے ہیں وہ غیر قانونی بنگلہ دیشی تو نہیں ہیں۔‘‘

کیا اگر وہ غیر قانونی بنگلہ دیشی ہیں تو ان کے ساتھ ایسا کرنا صحیح ہے؟ ہندو جاگرن منچ، راج سمند ،کے مکیش جین کا کہنا ہے کہ، ’’ایسا لگتا ہے کہ اس نے(شمبھو لال) جو کچھ کیا ہے وہ اپنی مرضی سے کیا ہےکیونکہ یہ سب کو معلوم ہے کہ ملک میں کیا ہو رہا ہے، کیرالہ میں ہندوؤں کو قتل کیا جا رہا ہے۔‘‘

ادھر راج سمند میں ایک وہاٹسایپ گروپ بنا ہوا ہے اور بی جے پی کے کئی اہم لوگ اس گرپ میں شامل ہیں۔ اس میں لکھا جا رہا ہے ’’لو جہادیوں ساودھان، شمبھو لال جاگ گیا ہے، جے شری رام‘‘۔ اسی گروپ میں آگے لکھا ہوا ہے کہ ’’شمبھو کا کیس سکھدیو لڑے گااور شمبھو کو نیائے دلائےگا، وکیل ہو تو آپ جیسا ۔ جے میواڑ، جے ماولی ، نشلک لڑیں گے وکیل سکھدیو اجول ماولیـ‘‘۔ جبکہ سکھ دیو نے اس طرح کی کسی بھی پوسٹ سے خود کو الگ کر لیا ہے اور اس کا کہنا ہے کہ مجھے نہیں معلوم کس نے لکھا ہے۔

شمبھو لال نے کیا کیا اس کے لئے صرف شمبھو لال ذمہ دار نہیں ہے اس کے لئے حکومت کے وہ قائد ذمہ دار ہیں جو اس وحشیا نہ واقعہ پر خاموش ہیں جو شمبھو لال جیسی سوچ کو بڑھنے دے رہے ہیں ۔ وزیر اعظم کو کوئی’ نیچ ذہنیت‘ کا مالک کہہ دے تو وہ اس کے خلاف چند منٹ میں اپنے رد عمل کا اظہار کر دیتے ہیں۔ ان کو اپنے خلاف ایک لفظ سننا برداشت نہیں لیکن ایک شخص کو کوئی زندہ جلا دے تو ان کے منہ سے مذمت کا ایک لفظ نہیں نکلتا۔ راجستھان کی وزیر اعلی وسندھرا راجے بھی خاموش رہتی ہیں اور یہ نہیں کہتی ہیں کہ مجرم کو سخت سے سخت دلائی جائے گی۔ اگر حکمرانوں کا ایسا ہی رویہ رہا تو ملک میں نہ جانے کتنے شمبھو لال پیدا ہوں گے اور ملک کو تباہ کر دیں گے۔