ابھینندن کو اپنی بہادر والدہ سے وراثت میں ملا ہے حوصلہ و ہمت

پاکستان میں قید کے دوران سوشل میڈیا پر ونگ کمانڈر ابھینندن کی جو تصاویر سامنے آئ ہیں ان سے محسوس ہوا کہ ابھینندن ایک بہادر اور حوصلہ رکھنے والے افسر ہیں۔ ونگ کمانڈر کے اہل خانہ کو قریب سے جاننے والے ریٹائرڈ فوجی افسر کا کہنا ہے کہ ابھینندن میں جو ہمت اور حوصلہ نظر آتا ہے وہ ان کو اپنی والدہ سے وراثت میں ملا ہے ۔

ونگ کمانڈر ابھینندن کے خاندان کے قریبی ریٹائرڈ گروپ کیپٹن ترون کے سنگھانے ایک نیوز چینل کو بتایا کہ پاکستان سے جو ابھینندن کی تصویریں سامنے آئی ہیں ان میں وہ پر سکون اور مضبوط دکھ رہے ہیں اور یہ ان کو ان کی والدہ ڈاکٹر شوبھا ورتھمان سے ملا ہے ۔ ڈاکٹر شوبھا دنیا کے کئی جنگی علاقوں میں طبی خدمات انجام دے چکی ہیں۔ سنگھا نے بتایا کہ شوبھا مظبوط شخصیت کی مالک ہیں۔ جنگوں سے جوجھ رہے مشکل حالات والے علاقوں میں جا کر وہ انسانیت کی خدمت کر چکی ہیں۔ انہوں نے مشکل حالات میں انسانوں کی خدمات کا کام کیا ہے۔

جس وقت ابھینندن پاکستان کی قید میں تھے اس وقت سنگھانے شوبھا کو ہمت رکھنے کا ایک پیغام بذریعہ ای میل بھیجا تھا اور ایسے حالات میں ان کو جواب کی کوئی امید نہیں تھی لیکن شوبھا نے پندرہ منٹ کے اندر اندر اس کا جواب دیا۔ یہ ہے ان کا مضبوط کردار کہ ایسے وقت میں بھی انہوں نے خود کو ذہنی طور پر پوری طرح ٹھیک رکھا۔ شوبھا کی ایک کزن سی کدنادھن کا کہنا ہے کہ ’’شوبھا بچپن سے ہی بہت بولڈ تھیں اور وہ کیا ان کے شوہر بھی بہت بولڈ ہیں لیکن پھر بھی شوبھا زیادہ بولڈ ہیں اور شائد یہی وجہ ہے ابھینندن میں وہ ہمت اور ہوصلہ ہے جس کا اس نے دشمن کی قید میں مظاہرہ کیا ‘‘۔ انہوں نے بتایا کہ شوبھا نے بچپن سے ہی مشکل حالات کا سامنا کیا ہے اور بچپن میں ہی انہوں نے اپنے والدین کو کھو دیا تھا۔