بی جے پی سے صرف کانگریس ہی لڑ سکتی ہے: راہل گاندھی

کانگریس کے صدر راہل گاندھی اس وقت ہندوستان ٹائمز کی تقریب ’ایچ ٹی لیڈرشپ سمٹ 2018‘ (Hindustan Times Leadership Summit 2018) میں شرکت کر رہے ہیں۔

1۔ میں چھوٹے اور متوسط کاروباروں کو فروغ دوں گا۔

2۔ کسانوں کو احساس دلاؤں گا کہ وہ ملک کے لئے اہم ہیں۔

3۔ کم خرچ میں بہتر طبی اور تعلیمی ڈھانچہ تعمیر کروں گا۔

دنیا میں جو کچھ ہو رہا ہے آپ اس سے ملک کی سرگرمیوں کو علیحدہ نہیں رکھ سکتے۔ آج خارجہ پالیسی میں کوئی حکمت عملی نظر ہی نہیں آ رہی ہے۔ آپ کو (مودی حکومت) ڈوکلام پر کرنا کچھ اور چاہئے تھا لیکن آپ نے کیا کچھ اور۔ نیپال (ہندوستان سے دور) جا چکا ہے، مالدیوپ بھی نکل چکا ہے۔‘‘

راہل گاندھی نے کہا ’’وہ نظریہ جو کانگریس سے جنگ لڑ رہا ہے وہ صرف اور صرف کانگریس ہو سکتا ہے۔ آر ایس ایس کا ایجنڈہ ملک کے تمام اداروں کو قبضہ میں لینے کا ہے۔‘‘

انہوں نے کہا ’’ملک کے سامنے آج دو سب سے بڑے مسائل ہیں۔ ان میں سے ایک بے روزگاری کا ہے۔ چھوٹے اور متوسط کاروباروں پر توجہ دی جانی چاہئے تھی لیکن حکومت ان پر حملہ کر رہی ہے۔‘‘

ایچ ٹی سمٹ کے دوران راہل گاندھی نے کہا، ’’میں گزشتہ 4 سالوں کے دوران مندر، مسجد، گرودوارا ہر جگہ گیا۔ اچانک اس کی تشہیر کی جانے لگی، مجھے لگتا ہے بی جے پی کو یہ پسند نہیں آ رہا۔ ہو سکتا ہے بی جے پی رہنما یہ محسوس کرتے ہوں کہ مندروں میں تو صرف وہی جا سکتے ہیں۔‘‘

ایچ ٹی سمٹ میں اپنے خطاب کی شروعات کرتے ہوئے راہل گاندھی نے کہا، ’’آج ملک کے 120 کروڑ شہریوں کے اوپر ایک خاض طرح کا نظریہ مسلط کر دیا گیا ہے۔ ہندوستان کے عوام متحد ہیں اور ہم تقسیم کاری میں یقین نہیں رکھتے۔ ہمیں آج ایک بار پھر سے سوچنا ہوگا کہ وہ ذہن کہاں ہے جس میں خوف نہ ہو۔‘‘

راہل گاندھی نے مزید کہا، ’’نوٹ بندی نے ڈی جی پی کو 2 فیصد تک گرا دیا۔ جی ایس ٹی کے حوالہ سے بھی ہمارا تصور مختلف تھا لیکن مودی حکومت نے ہماری ایک نہیں سنی۔

آدھار کے حوالہ سے مودی حکومت پر حملہ کرتے ہوئے راہل گاندھی نے کہ، ’’آدھار کا آئیڈیا لوگوں کو سہارا دینے کا تھا، ان کی زندگی کو آسان بنانا تھا لیکن حکومت نے اسے لوگوں کی جاسوسی کرنے کا آلہ بنا دیا۔‘‘ انہوں نے کہا ’’آپ مکالمہ کے بغیر ملک کو نہیں چلا سکتے، ہم نے کئی مرتبہ حکومت سے بات کرنے کی کوشش کی۔‘‘

راہل گاندھی نے کہا، ’’کانگریس کا اگر بی ایس پی سے اتحاد نہیں ہو پا رہا ہے تو مجھے نہیں لتا کہ اس کا انتخابات پر کوئی اثر ہوگا۔‘‘