جموں و کشمیر میں غیر مقامی مزدور کا گولی مار کر قتل، بہار کا رہائشی تھا مقتول

سری نگر: جموں و کشمیر کے بانڈی پورہ میں نامعلوم بنددوق برداروں نے ایک غیر مقامی مزدور کا گولی مار کر قتل کر دیا گیا۔ غیر مقامی مزدور کا نام محمد عمریز تھا اور وہ بہار کے مدھے پورہ کا رہائشی تھا اور اس کی عمر 19 سال تھی۔ یہ واقعہ بانڈی پورہ کے اجس کے مقام پر پیش آیا۔ گولی لگنے کے بعد مزدور کو اسپتال لے جایا گیا، جہاں اسے مردہ قرار دے دیا گیا۔

رپورٹ کے مطابق غیر مقامی مزدور کے قتل کی وارادات جمعہ کو علی الصبح انجام دی گئی۔ اطلاع موصول ہونے پر پولیس موقع پر پہنچی اور حملہ آوروں کی تلاش میں محاصرہ کر کے تلاشی مہم شروع چلائی گئی۔ مقتول عمریز مزدوری کرنے کے لئے کشمیر آیا ہوا تھا۔ بقیہ تفصیل معلوم کی جا رہی ہیں۔

خبر رساں ایجنسی اے این آئی نے کشمیر پولیس کے حوالہ سے خبر دی، نصب شب میں ملی ٹینٹوں نے بانڈی پورہ میں ایک بہار کے غیر مقامی مزدور محمد عمریز پر گولی باری کی، حادثہ میں مزدور زخمی ہو گیا۔ اسے علاج کے لئے اسپتال لے جایا گیا، جہاں اس کی موت ہو گئی۔

وادی کشمیر میں غیر مقامی مزدوروں پر ایک ہفتہ کے دوران یہ دسرا حملہ ہے۔ گزشتہ ہفتہ بہار کے رہنے والے غیر مقامی مزدور محمد ممتاز کو قتل کر دیا گیا تھا۔ ملی ٹینٹوں نے پلوامہ ضلع کے گاڈورہ گاؤں میں غیر مقامی مزدور پر دستی بم پھینکا تھا، جس سے اس کی موقع پر ہی موت واقع ہو گئی تھی، جبکہ دیگر دو افراد زخمی ہو گئے تھے۔

خیال رہے کہ ملی ٹینٹ تنظیموں نے غیر مقامی افراد کو وادی کشمیر چھوڑ کر چلے جانے کا انتباہ جاری کیا ہوا ہے اور گزشتہ دنوں متعدد غیر مقامی افراد کو قتل کیا گیا تھا۔ ٹارگیٹ کلنگ کے رونما ہونے والے ان واقعات کی وجہ سے سرکاری ملازم اور غیر مقامی مزدورو میں خوف و ہراس پایا جاتا ہے۔ حال ہی میں 26 دنوں کے اندر ٹارگیٹ کلنگ کے 10 واقعات پیش آئے تھے، جس کے بعد یہاں کے لوگ ہجرت کرنے پر مجبور ہونے لگے تھے۔