گجرات میں گٹر کی صفائی کے دوران حادثہ، 7 افراد ہلاک

وڈودرا: گجرات کے وسطی ضلع کے ڈبھوئی تعلقہ کے پھرتی کُئی گاؤں میں کل دیر رات گٹر اور اس سے متصل کنوئیں کی صفائی کرنے اس میں اترے چار صفائی مزدوروں سمیت سات افراد کی موت ہو گئی۔

واقعہ کی اطلاع ڈبھوئی فائر اور پولس اہلکاروں کو دی گئی، 108 امبولنس اور محکمہ فائر کے اہلکار موقع پر پہنچے اور راحت اور بچاؤ کی مہم چلائی۔ پولس نے ہوٹل مالک کے خلاف معاملہ درج کر لیا ہے جو کہ تاحال فرار بتایا جاتا ہے۔

اطلاعات کے مطابق شہر کے ڈبھوئی علاقہ میں واقع درشن ہوٹل میں ہفتہ کے روز سیوریج کنوے کی صفائی کرنے کے لئے گئے سات مزدور گئے تھے۔ ہوٹل کے پیچھے بنے سیوریج کنوئے میں صفائی کرنے کے پہلے ایک مزور اترا لیکن کچھ دیر بعد اس کا دم گھٹنے لگا۔

پولس نے بتایا کہ مرنے والوں میں اس درشن ہوٹل کے تین اہلکار بھی تھے جس کے قریب یہ حادثہ ہوا۔ ہوٹل مالک حسن عباس واقعہ کے ہوٹل میں تالا لگانے کے بعد فرار ہو گیا ہے۔ مرنے والے مزدوروں میں ایک باپ بیٹا بھی شامل ہے۔ اس بات کی تحقیقات کی جا رہی ہے کہ ان کی موت گٹر لائن میں گیس سے دم گھٹنے کی وجہ سے ہوئی ہے یا یہ تمام ڈوبنے سے مرے ہیں۔

مرنے والوں کی شناخت ہتیش ہریجن (23) اور اس کے والد اشوک ہریجن (45)، مہیش ہریجن (25) اور مہیش پاٹن واڈيا (46)یہ چاروں مزدور قریبی تھواوي گاؤں کے رہائشی ہیں جبکہ ہوٹل کے تین اہلکاروں اجے وساوا (24)، رہائشی كادولي گاؤں ضلع بھروچ، وجئے چودھری (22) اور شهدیو وساوا (22) دونوں ضلع سورت کے عمرپدا تعلقہ کے ویلاوي گاؤں گاؤں رہائشی کے طور پر کی گئی ہے۔ حادثہ کی تفتیش شروع کردی گئی ہے۔