چینی کمپنی شیومی کے 5551 کروڑ روپے ضبط، ای ڈی نے کی کارروائی

نئی دہلی: انفورسمنٹ ڈائریکٹوریٹ (ای ڈی) نے فیما (فارین ایکسچینج منیجمنٹ ایکٹ) کے تحت شیومی ٹیکنالوجی انڈیا پرائیویٹ لمیٹڈ کے 5551.27 کروڑ روپے ضبط کئے ہیں۔ شیومی انڈیا چین میں قائم شیومی گروپ کا مکمل ملکیتی ذیلی ادارہ ہے۔ یہ رقم کمپنی کے بینک کھاتوں سے ضبط کی گئی ہے۔ ای ڈی نے رواں سال فروری کے مہینے میں کمپنی کی جانب سے کئے گئے غیر قانونی لین دین کے حوالہ سے جانچ شروع کی تھی۔

کمپنی نے سال 2014 میں ہندوستان میں کام شروع کیا اور سال 2015 سے رقم بھیجنا شروع کر دیا۔ کمپنی نے تین غیر ملکی اداروں کو 5551.27 کروڑ کے برابر غیر ملکی کرنسی بھیجی، جس میں رائلٹی کی آڑ میں ایک شیومی گروپ کی کمپنی شامل ہیں۔ رائلٹی کے نا پر اتنی بڑی رقم چین کے گروپوں کے اداروں کے حکم پر بھیجی گئی۔ امریکہ کی دو تنظیموں جو اس سے متعلق نہیں تھی، ان کو بھی پیسا بھیجا گیا، جس سے آخر کار فائدہ بھی شیومی گروپ کی تنظیموں کو ہی ہوا۔

خیال رہے کہ شیومی انڈیا ہندوستان میں ایم آئی کے نام سے موبائل فون کا کاروبار کرتی ہے۔ شیومی انڈیا پوری طرح سے ہندوستان میں تیار کردہ موبائل سیٹ اور دوسرے پروڈکٹ ہندوستان میں تیار کرنے والوں سے خریدتا ہے۔

شیومی انڈیا نے ان تینوں غیر ملکی اداروں سے کوئی سروس نہیں لی جن کو رقم منتقل کی گئی تھی۔ جعلی دستاویزات بنا کر گروپ کمپنیوں کے درمیان لین دین دکھا کر کمپنی نے بڑے پیمانے پر رائلٹی کی آڑ میں رقم بیرون ملک بھیجی۔ ای ڈی حکام کے مطابق یہ فیما کی دفعہ 4 کی خلاف ورزی ہے۔ کمپنی نے بیرون ملک رقم بھیجتے وقت بینکوں کو غلط معلومات بھی دیں۔