سول سروسز امتحان میں 31 مسلم امیدوار کامیاب، صدف چودھری کا 23واں دینہ دستگیر کا 63 واں مقام

نئی دہلی: ملک کے سب سے اہم قرار دیئے جانے والے یو پی ایس سی کے سول سروسز امتحان کے نتائج جاری کر دیئے گئے ہیں۔ اس مرتبہ مسلم طبقہ سے تعلق رکھنے والے کل 31 امیدواروں نے کامیابی حاصل کی ہے۔ اس سے قبل یہ تعداد 27 بتائی جا رہی تھی لیکن حتمی فہرست کا جائزہ لینے پر اس میں 4 امیدواروں کا اضافہ ہو گیا۔ کامیاب ہونے والے مسلم امیدواروں میں 8 خواتین شامل ہیں۔

امروہہ سے تعلق رکھنے والی صدف چودھری نے کمال کرتے ہوئے 23 واں مقام حاصل کیا ہے۔ صدف کے والد بینک منیجر ہیں اور وہ کچھ مہینے پہلے اتراکھنڈ کے روڑکی میں آباد ہو گئے ہیں۔ صدف کی کامیابی اس لیے بھی مثال بن گئی ہے کہ انہوں نے اس امتحان کے لئے کوئی کوچنگ نہیں لی اور گھر میں رہتے ہوئے ہی تمام تیاری کی۔ صدف اب انڈین فارن سروسز (آئی ایف ایس) میں شامل ہونا چاہتی ہیں۔

وہیں، کیرالہ کے ترواننت پورم سے تعلق رکھنے والی دینہ دستگیر نے 63 واں مقام حاصل کیا ہے۔ کامیاب مسلم امیدواروں میں دینہ کا دوسرا مقام ہے۔ دلچسپ بات یہ ہے کہ دینہ نے اپنی ابتدائی اور ثانوی تعلیم سعودی عرب کے انڈین انٹرنیشنل اسکول، دمام سے حاصل کی ہے۔ ان کے والد سعودی عرب میں انگریزی کے استاد ہیں۔ دینہ نے ترواننت پورم سے الیکٹرانکس اینڈ کمیونی کیشن سے انجینئرنگ کی ڈگری حاصل کی ہے۔ انہوں نے سول سروسز امتحان کے لئے کسی طرح کی کوچنگ حاصل نہیں کی اور اپنے دم پر تیاری کر کے امتحان میں کامیابی حاصل کر لی۔

اپنی کامیابی پر دینہ کا کہنا ہے، ’’اپنا نام کامیاب افراد کی فہرست میں دیکھنے کے لئے مجھے 4 سالوں کی طویل تیاری کا سفر طے کرنا پڑا، جو کہ خوشی، دباؤ، تنہائی، خود پر شکوک و شبہات اور فخر سے پُر رہا ہے۔ اور اب میں اپنے سفر کے اگلے مرحلہ کے لئے پُر جوش ہوں کیونکہ میں انڈین سول سروسز کا حصہ بننے جا رہی ہوں۔‘‘

اس سال سول سروسز امتحان پاس کرنے والے مسلم امیدواروں کی تعداد میں کمی آئی ہے، کیونکہ 2019 میں 44 مسلم امیدواروں نے کامیابی حاصل کی تھی اور اس مرتبہ یہ تعداد کم ہو کر 31 رہ گئی ہے۔

اس مرتبہ سول سروسز امتحان میں مجموعی طور پر 761 امیدواروں کو کامیاب قرار دیا گیا ہے، جن میں 545 مرد اور 216 خواتین شامل ہیں۔ شبھم کمار نے امتحان میں پہلی پوزیشن حاصل کی ہے۔ جبکہ جاگرتی اوستھی اور انکیتا جین بالترتیب دوسرے اور تیسرے مقام پر رہیں۔

یو پی ایس سی امتحان 2020 میں کامیاب مسلم امیدوار

1. صدف چودھری، 23 واں مقام

2. دینہ دستگیر، 63 واں مقام

3. فیضان احمد، 58 واں مقام

4. محمد منظر حسین انجم، 125 واں مقام

5. شاہد احمد، 129 واں مقام

6. شہنشاہ کے ایس، 142 واں مقام

7. محمد عاقب، 203 واں مقام

8. شہناز، 217 واں مقام

9. وسیم احمد بٹ، 225 واں مقام

10. بشریٰ بانو، 234 واں مقام

11. ریشما اے ایل، 256 واں مقام

12. محمد حارث سمیر، 270 واں مقام

13. التمش غازی، 282 واں مقام

14. احمد حسن الزماں چودھری، 283 واں مقام

15. سارہ اشرف، 316 واں مقام

16. محب اللہ انصاری، 389 واں مقام

17. انیس ایس، 403 واں مقام

18. زیبا خان، 423 واں مقام

19. فیصل رضا، 447 واں مقام

20. محمد یعقوب، 450 واں مقام

21. ریحان کھتری، 478 واں مقام

22. محمد جاوید، 493 واں مقام

23. الطاف محمد شیخ، 545 واں مقام

24. خان عاصم کفایت خان، 558 واں مقام

25. سید زاہد علی، 569 واں مقام

26. شاکر احمد، 583 واں مقام

27. محمد رسون، 589 واں مقام

28. محمد شاہد، 597 واں مقام

29. اقبال رسول ڈار، 611 واں مقام

30. عامر بشیر، 625 واں مقام

31. ماجد اقبال خان، 738 واں مقام