تصویر پریس ریلیز
نئی دہلی: راجدھانی دہلی کے گاندھی درشن میوزیم راج گھاٹ میں منعقدہ سہ روزہ سروں کے سنگم دہلی دربار-2024 میں ہفتہ کو دوسرے دن معروف صوفی گلوکاروں اور کلاسیکی موسیقاروں نے اپنی پرفارمنس سے لوگوں کو مسحور کیا۔ وہیں، معروف ریڈیو جاکی آر جے نوید نے اپنی کامیڈی سے لوگوں کو ہنسایا۔ جشن کے دوران کل اتوار کو معروف پنجابی گلوکار ایم پی اور پدم شری ہنسراج ہنس کو باوقار سنگیت مارتند استاد چاند خان لائف ٹائم اچیومنٹ ایوارڈ سے نوازا جائے گا۔
Published: undefined
محبت، موسیقی، ثقافت اور روحانیت کے اس جشن کو دہلی گھرانہ کی سورساگر سوسائٹی نے مرکزی وزارت سیاحت، دہلی ٹورازم اور گاندھی درشن سمیتی کے تعاون سے ہندوستان کی ثقافت، محبت، ہم آہنگی اور کلاسیکی موسیقی کو لوگوں بالخصوص نوجوانوں میں زندہ رکھنے کے مقصد سے منعقد کیا ہے۔ ایونٹ منیجمنٹ کی ذ مہ داری بگ شوز کی ڈائریکٹر روپیندر کور سنبھال رہی ہیں۔
Published: undefined
اجمیر گلوبل صوفی فاؤنڈیشن کے بانی اور دہلی گھرانہ کی سورساگر سوسائٹی کے چیف سرپرست سید ریاض الدین چشتی اور دہلی گھرانہ کے جنرل سکریٹری وسعت اقبال خان کے مطابق آج جہاں استاد واصف الدین ڈاگر، پدم شری استاد پرہلاد سنگھ ٹپانیا، ریکھا بھاردواج نے اپنے صوفیانہ و کلاسیکی موسیقی اور کتھک رقاصہ پدم شری شوبھنا نارائن نے اپنے ساتھی فنکاروں کے ساتھ اپنے ڈانس پرفارمنس سے حاضرین کو مسحور کیا، جبکہ معروف آر جے نوید نے اپنی کامیڈی سے سبھی کو محظوظ کیا۔ نیشنل اسٹوڈنٹ ٹیلنٹ ایسوسی ایشن کے صدر من میت سنگھ نے فنکاروں کو اعزاز سے نوازا۔
Published: undefined
دہلی گھرانہ کے شریک بانی اور خزانچی محمد اقبال خان نے کہا کہ کل بروز اتوار 25 فروری کو پدم شری پنجابی گلوکار شری ہنسراج ہنس کو لائف ٹائم اچیومنٹ ایوارڈ سے نوازا جائے گا۔ اسی دن پدم شری جانکی رمن، اوشا اتھوپ، شوبھا مدگل، ہنس راج ہنس، امتیاز علی جیسی شخصیات کی ایک طویل فہرست کے ساتھ دہلی دربار 2024 روحانیت اور محبت کا انوکھا امتزاج ملن ہوگا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined