نوپور دویدی کی مشہور کتاب ’انڈراسٹینڈنگ ٹیم ایپرنٹسل جرنی‘ کو ملا بُک آف دی ایئر کا ایوارڈ

نوپور دویدی پانڈے کی مشہور کتاب ’اَنڈراسٹینڈنگ ٹیم اپیرنٹسل جرنی‘ کو ’بُک آف دی ایئر‘ کا ایوارڈ ملنا سنگل فیملی کے چیلنجز اور ان کی جدوجہد کی ایک اہم شناخت ہے۔ اس کتاب میں مصنفہ نے سنگل فیملیز میں والدین کے کردار اور بچوں کی پرورش کے مختلف پہلوؤں کو ظاہر کیا ہے۔ نوپور کو یہ ایوارڈ حیدر آباد میں منعقد مصنفین کی اعزازی تقریب میں ملا۔ اس کا انعقاد ادارہ ’گروکل‘ نے کیا تھا۔

جدید سماج میں، جہاں ماں اور باپ دونوں کام میں مصروف ہوتے ہیں، بچوں کی پرورش ایک پیچیدہ عمل بن جاتا ہے۔ سنگل فیملی میں جہاں سماجی تعاون کی کمی ہوتی ہے، وہیں والدین کو اپنے بچوں کے لیے وقت، وسائل اور توجہ کا توازن بنانا پڑتا ہے۔ اس کتاب میں مصنفہ نے اسی توازن کی تلاش اور اسے بنائے رکھنے کے لیے اختیار کیے گئے مختلف طریقوں کا تذکرہ کیا ہے۔

نوپور کا کہنا ہے کہ بچوں کی پرورش میں معیار کے لیے وقت دینا، ان کی تعلیم و شخصیت کی ترقی پر توجہ دینا اور انھیں درست اقدار کی تعلیم دینا ضروری ہے۔ اس کے علاوہ بچوں کو محفوظ اور صحت مند ماحول فراہم کرنا، ان کی جذباتی ضروریات کو سمجھنا اور ان کی حمایت کرنا بھی اتنا ہی اہم ہے۔

کتاب میں مذکور مختلف کیس اسٹڈیز اور ذاتی تجربات کے ذریعہ سے مصنفہ نے یہ بھی دکھایا ہے کہ کس طرح سنگل فیملیز میں والدین اپنے چیلنجز کا سامنا کرتے ہیں اور انھیں کس طرح کامیابی کے ساتھ پار کرتے ہیں۔ اس کتاب کو پڑھ کر قارئین نہ صرف سنگل فیملیز کی پیچیدگیوں کو سمجھ سکتے ہیں، بلکہ انھیں اپنی زندگی میں بھی ان اصولوں کو نافذ کرنے کی ترغیب مل سکتی ہے۔

’انڈراسٹینڈنگ ٹیم اپیرنٹسل جرنی‘ سنگل فیملیز کے لیے ایک رہنما کی شکل میں کام کرتی ہے، جو انھیں نہ صرف اپنے چیلنجز کا سامنا کرنے میں مدد کرتی ہے بلکہ انھیں ایک متوازن اور خوشحال فیملی بنانے کی سمت میں بھی رہنمائی کرتی ہے۔ اس کتاب کو ملا ایوارڈ اس کی گہرائی اور مطابقت کو ظاہر کرتا ہے، اور یہ جدید سماج میں سنگل فیملی کے کردار اور اہمیت کو نئے سرے سے متعارف کرتا ہے۔