وراٹ کوہلی دہلی کیپٹلس کے خلاف جیت کا سلسلہ برقرار رکھنے کے لئے پُرعزم

ابوظہبی: رائل چیلنجرس بنگلور کے کپتان وراٹ کوہلی نے راجستھان کے خلاف ابوظہبی میں سنیچر کے روز ملی آٹھ رن کی شاندار جیت کے بعد کہا کہ دہلی کیپٹلس کے خلاف آئندہ ہونے والے مقابلے میں جیت کے سلسلے کو برقرار کھنے کی کوشش کریں گے۔

آئی پی ایل پوائنٹ ٹیبل میں دہلی پہلے اور بنگلور دوسری پوزیشن پر ہے اور پیر کے روز شارجہ میں ہونے والے مقابلے میں جیتنے والی ٹیم ٹیبل میں چوٹی کا مقام حاصل کرلے گی ۔ وراٹ نے راجستھان کے خلاف دو پوائنٹ کو کافی اہم بتایا۔ جس طرح سے ہم نے میچ کھیلا، ہم اس فارم کو برقرار رکھنے کی کوشش کریں گے۔

وراٹ کوہلی نے کہا کہ ہمیں راجستھان کے خلاف ابوظہبی میں کھیلے گئے میچ میں کافی گرمی محسوس ہو رہی تھی۔ لیکن ایک اچھی ٹیم کے خلاف سخت مقابلہ تھا۔ اس مقابلے میں جمع دو پوائنٹوں کی مدد سے ہمارا حوصلہ بڑھا ہےا۔ یہ شاندار کھیل ہے اور میں جوس بٹلر سے بلے بازی کے دوران کہہ رہا تھا کہ مییں اس کھیل سے محبت اور نفرت دونوں کرتا ہوں۔

یاد رہے کہ رائل چیلنجرس بنگلور کے کپتان وراٹ کوہلی نے راجستھان کے خلاف کھیلے گئے میچ میں پہلے تو بہت سنبھل کر بلے بازی کی، لیکن آخر میں جارحانہ رخ اختیار کر لیا۔ انھوں نے 2 چھکّوں اور 7 چوکوں کی مدد سے محض 53 گیندوں پر شاندار 72 رن کی ناٹ آؤٹ اننگ کھیلی تھی۔