ممبئی کے پاس آج گجرات سے بدلہ لینے کا موقع

2024 میں اتوار کو ممبئی انڈینس کے پاس گجرات ٹائٹنز سے گزشتہ سیزن میں اپنی شکست کا بدلہ لینے کا بھرپورموقع ہوگا۔گجرات ٹائٹنز نے گزشتہ سیزن میں پانچ بار کی چیمپئن ممبئی کو پلے آف میں شکست دے کر اس کا  چھٹیں آئی پی ایل ٹائٹل جیتنے کا خواب چکنا چور کر دیا تھا۔ اس جیت کے ہیرو شبمن گل تھے جو اب گجرات کے نئے کپتان ہیں جبکہ گزشتہ دو سیزن میں گجرات کی کمان کرنے والے ہاردک پانڈیا اب ممبئی کے کپتان بن گئے ہیں۔

نریندر مودی اسٹیڈیم میں یہ ہائی پروفائل میچ آج شام 7.30 بجے کھیلا جائے گا۔ ممبئی کو گجرات کو ہرانے کے لیے اس کے کپتان سے نمٹنا ہوگا۔ شبمن گل نے گزشتہ سیزن میں اکیلے 890 رنز بنائے تھے۔ ان کے علاوہ سائی سدرشن اور ردھیمان ساہا کی بلے بازی پر بھی گجرات کی قسمت کا انحصار ہو گا جب کہ ڈیوڈ ملر اور راہل تیوتیا جیسے بلے باز ممبئی کے لیے مشکلات پیدا کر سکتے ہیں۔

دوسری جانب آئی پی ایل کے آخری دو سیزن میں توقعات کے مطابق کارکردگی دکھانے میں ناکام رہنے والے ہندوستانی ٹیم کے کپتان روہت شرما کے پاس ٹی ٹوئنٹی ورلڈ کپ سے قبل اپنی فارم دوبارہ حاصل کرنے کے کافی مواقع ہوں گے جب کہ تلک ورما نے آئی پی ایل کے آخری دو سیزن میں 40 کی اوسط اور 147 کے اسٹرائک ریٹ سے اپنی صلاحیت کا مظاہرہ کیا جس انعام انہیں ہندوستانی ٹیم میں کگہ کے طورپر دیاگیا۔

جسپریت بمراہ اس سیزن میں بھی ممبئی کے لیے ٹرمپ کارڈ ثابت ہو سکتے ہیں۔ بمراہ نے 2018 سے صرف 6.96 کی اکونومی کے ساتھ گیند بازی کی ہے۔ اس مدت کے دوران کم از کم 100 اوورز کرنے والے گیند بازوں کی اکونومی کو دیکھا جائے تو بمراہ سرفہرست ہیں۔ اس کے علاوہ، 2017 سے، بائیں ہاتھ کے بلے بازوں کے خلاف بمراہ کی اوسط صرف 5.6 رہی ہے۔