آئی پی ایل 2020: نارائن کے خلاف مشکوک بالنگ ایکشن کی شکایت

ابوظہبی: ویسٹ انڈیز سے تعلق رکھنے والے کولکتہ نائٹ رائیڈرز کے پراسرا اسپنر سنیل نارائن کے خلاف آئی پی ایل میں بالنگ کا ایک مشکوک ایکشن ہونے کی شکایت کی گئی ہے اور انہیں انتباہی فہرست میں شامل کر دیا گیا ہے۔

آئی پی ایل کے جاری کردہ بیان میں کہا گیا ہے کہ کولکتہ نائٹ رائیڈرز کے ابوظہبی میں کنگز الیون پنجاب کے خلاف میچ کے بعد آن فیلڈ امپائروں نے سنیل نارائن کی مشکوک بولنگ ایکشن کی شکایت کی۔ آئی پی ایل کی قابل اعتراض بولنگ ایکشن پالیسی کے مطابق سنیل نارائن کو انتباہی فہرست میں رکھا جائے گا اور انہیں ٹورنامنٹ میں بولنگ جاری رکھنے کی اجازت رہے گی۔

تاہم، اس معاملے میں مزید ایک شکایت پرکولکتہ نائٹ رائیڈرز کے پراسرا اسپنر سنیل نارائن کو بولنگ سے روک دیا جائے گا۔ یہ پابندی بی سی سی آئی کی مشکوک بالنگ ایکشن کمیٹی کے کلین چٹ دیئے جانے تک جاری رہے گی۔