آئی پی ایل 2020: مصیبت میں ایس آر ایچ! پورے سیزن کے لئے باہر ہو سکتا ہے یہ آسٹریلیائی آل راؤنڈر

دبئی: آسٹریلیائی آل راؤنڈر مچل مارش ٹخنے کی چوٹ کے سبب انڈین پریمیر لیگ (آئی پی ایل) کے پورے سیزن سے باہر ہو سکتے ہیں۔ ٹیم ذرائع کا کہنا ہے کہ آر سی بی (رائل چیلنجرز بنگلور) کے خلاف پہلے میچ میں انہیں جس چوٹ کا سامنا کرنا پڑا تھا وہ بہت سنگین ہے۔

سن رائزرس حیدرآباد (ایس آر ایچ) کی جانب سے کھیلتے ہوئے مارش کو کپتان ڈیوڈ وارنر نے 5 ویں اوور میں بولڈ کیا تھا، لیکن وہ صرف چار ہی بال کھیل سکے تھے۔ اپنے کیریئر میں کافی چوٹوں کا شکار رہے مچل مارش کو اس وقت چوٹ لگی تھی جب وہ ایرون فنچ کے شاٹ کو روکنے کی کوشش کر رہے تھے۔

ٹیم کے ایک ذرائع نے بتایا، "یہ ایک شدید چوٹ ہے۔ پتا نہیں وہ اب کھیل پائے گا یا نہیں! ٹیم نے ان کی چوٹ کے بارے میں ابھی تک کوئی سرکاری بیان نہیں دیا ہے۔ پیر کے روز 28 سالہ مچل مارش کا ٹخنہ باؤلنگ کے دوران مڑ گیا تھا۔ مارش بلے بازی کے لئے آئے بھی لیکن وہ آؤٹ ہوئے بغیر فوری طور پر پویلین واپس لوٹ گئے تھے۔