آئی پی ایل 2020: بنگلور پلے آف اور حیدرآباد امید کے لئے نبرد آزما ہوں گے

شارجہ: رائل چیلنجرس بنگلور کی ٹیم ہفتے کو سن رائزرس حیدرآباد کے خلاف ہونے والے آئی پی ایل میچ میں پلے آف کے لئے اپنی جگہ کو محفوظ بنانے کے لئے نظر آئے گی جبکہ حیدرآباد کا مقصد اپنی امیدوں کو برقرار رکھنا ہوگا۔ بنگلور کو چنئی سپر کنگز کے ہاتھوں آٹھ وکٹوں سے شکست کا سامنا کرنا پڑا تھا۔ بنگلور کے 12 میچوں میں سات جیت اور پانچ شکست کے بعد 14 پوائنٹس ہیں اور وہ ٹیبل پر دوسرے نمبر پر ہیں۔ حیدرآباد کے خلاف جیت بنگلور کو پلے آف میں جگہ دے گی لیکن اس شکست سے ان کی پریشانیوں میں مزید اضافہ ہوگا کیونکہ لیگ کا آخری میچ دو نومبر کو دہلی کیپیٹلز کے ساتھ ہونا ہے۔

پچھلی شکست کے بعد وراٹ نے کہا کہ مجھے لگتا ہے کہ ہم بالنگ میں اچھے نہیں رہے ہیں۔ ہم نے بلے بازوں کو رنز بنانے کا موقع فراہم کیا۔ آپ کو اچھی کارکردگی کا مظاہرہ کرنے کے لئے تیار رہنا ہوگا۔ ہر طرف اچھے کھلاڑی موجود ہیں۔ یہ کسی خاص دن کی کارکردگی کی بات ہے۔ ہم واقعی میں اچھی کرکٹ کھیل رہے ہیں اور آپ کو یہ قبول کرنا ہوگا کہ آپ کوئی بھی میچ ہار سکتے ہیں۔ ہندوستانی رن مشین وراٹ کو اب نہ صرف حیدرآباد کے خلاف رنز بنانا ہوں گے بلکہ انہیں امید بھی ہے کہ وہ دن اچھا اور ان کی ٹیم کی جیت ہوگی۔

دوسری جانب حیدرآباد 12 میچوں میں پانچ جیت، سات شکست اور 10 پوائنٹس کے ساتھ چھٹے نمبر پر ہے۔ یہ میچ حیدرآباد کے کپتان ڈیوڈ وارنر کے لئے ڈو آر ڈائی میچ ہے۔ وارنر جانتے ہیں کہ اس میچ میں شکست انہیں پلے آف ریس سے باہر کردے گی جبکہ جیت میں ان کی امیدیں باقی رہیں گی۔ حیدرآباد کا مقابلہ 3 نومبر کو ممبئی انڈین سے ہوگا۔ حیدرآباد کے آخری میچ تک امیدیں اسی وقت باقی رہ سکتی ہیں جب وہ بنگلور کو شکست دیں۔

حیدرآباد نے اپنے پچھلے میچ میں دہلی کیپیٹلز کو 88 رنز کے بڑے مارجن سے شکست دی تھی جس سے ان کے حوصلے بلند ہوئے ہیں۔ کرشمائی لیگ اسپنر راشد خان کی جانب سے ردھمان ساہا کی شاندار اننگز نے سات رنز دے کر تین وکٹ نے حیدرآباد کی امیدوں کو زندہ رکھا۔ وارنر اپنی ٹیم سے ایسی ہی ایک اور کارکردگی کے خواہاں ہوں گے تاکہ ٹیم کی امیدیں باقی رہیں۔

شارجہ کے میدان میں31 اکتوبر بروز ہفتہ کو سن رائزرس حیدرآباد(ایس آر ایچ ) اور رائل چیلنجرز بنگلور (آر سی بی) کے مابین کھیلے جانے والا میچ زبردست ہوگا۔ دونوں ٹیموں کا مقصد پلے آف میں جگہ یقینی کرنا ہوگا ۔ آر سی بی اس وقت پوائنٹس ٹیبل میں دوسرے نمبر پر ہے جبکہ حیدرآباد کی ٹیم چھٹے نمبر پر ہے۔

واضح رہے کہ آر سی بی نے اب تک 12 میچ کھیلے ہیں جن میں سے انھوں نے 7 میچ جیتے ہیں جبکہ انہیں 5 میچوں میں شکست کا سامنا کرنا پڑا ہے۔ اسی کے ساتھ ہی حیدرآباد نے اب تک 13 میچ کھیلے ہیں جس میں انہوں نے 5 میچ جیتے ہیں اور 7 میچوں میں اسے شکست کا سامنا کرنا پڑا ہے۔ بدھ کو ممبئی انڈینز کے ساتھ کھیلے گئے میچ میں آر سی بی کو شکست کا سامنا کرنا پڑا تھا۔ اس میچ میں سوریا کمار یادو نے عمدہ بیٹنگ کا مظاہرہ کیا تھا۔ آر سی بی کو ابھی 2 میچ کھیلنا باقی ہیں جبکہ پلے آف میں اپنی جگہ بنانے کے لئے 2 پوائنٹس کی ضرورت ہے۔ اگر آر سی بی اگلے دو میچ ہار جاتا ہے تو پھر ان کے لئے پلے آف کی راہ مشکل ہوجائے گی۔

سن رائزرس حیدرآباد کو بھی 2 میچ کھیلنا باقی ہیں۔ اس ٹیم کو بقیہ دونوں میچوں میں جیت حاصل کرنی لازمی ہوگی۔ نیز پوائنٹ ٹیبل میں شامل کچھ ٹاپ ٹیموں کی فتح اور شکست کو بھی دیکھنا ہوگا۔ اگر حیدرآباد کی ٹیم ایک میچ اور ہار جاتی ہے تو وہ پلے آف ریس سے باہر ہوجائے گی۔ رواں سال آر سی بی کے شائقین بہت پرجوش نظر آ رہے ہیں۔ آر سی بی نے رواں سال بہتر کارکردگی کا مظاہرہ کیا ہے لیکن اگر وہ یہاں پہنچ جاتے ہیں اور ہار جاتے ہیں تو ٹیم کے لئے یہ انتہائی دکھ کی بات ہوگی۔ ایسی صورتحال میں کپتان کوہلی کو سن رائزرس حیدرآباد کے ساتھ کھیلے گئے میچ میں کپتانی کی اننگز کھیلنی ہوگی۔ واضح رہے کہ کپتان کوہلی رواں سال اب تک 53 کی اوسط سے 424 رنز بنا چکے ہیں۔ انہوں نے رواں سال اب تک 90 رنز کی ناقابل شکست اننگز کھیلی ہے۔