ششی تھرور کا انٹرویو: جنوب کے لئے بی جے پی نے کیا ہی کیا ہے، شمالی ہند والے داؤ یہاں نہیں چلیں گے!

بہت اچھا چل رہا ہے، خدا کا شکر ہے کہ سب کچھ ٹھیک ٹھاک ہے۔ میں 10 مارچ سے تشہیر میں مصروف ہوں، تو اب 6 ہفتے تو ہو ہی گئے اور اب آخری ہفتہ باقی ہے۔ میں جو کچھ دیکھ رہا ہوں اور جو لوگ مجھے بتا رہے ہیں، اس میں لوگوں کا پیار، محبت اور حمایت صاف جھلک رہی ہے۔ میرا خیال ہے کہ لوگوں نے جس طرح تین مرتبہ مجھ پر بھروسہ کیا ہے، اسی طرح اس مرتبہ بھی بھروسہ کریں گے۔

پاریادانم (ملیالم میں تشہیر اور سیمی روڈ شو کے لئے استعمال ہونے والا لفظ) کافی بہتر چل رہا ہے۔ ہم گلیوں اور آبادی کے آس پاس کی سڑکوں سے گزرتے ہیں۔ کئی مرتبہ ہمارا وقت آخری مقام تک پہنچنے سے پہلے ہی ختم ہو جاتا ہے۔ میں پاریادانم کے آخر میں ان تمام مقامات پر جانے کی کوشش کروں گا جہاں ابھی تک نہیں پہنچ سکا ہوں۔ ہم اس انتخابی حلقہ کے ہر کونے تک پہنچنے کی کوشش کر رہے ہیں، تاکہ لوگوں کو یہ ظاہر کیا جا سکے کہ آپ ان سے ملنے آئے ہیں اور وہ آپ سے ملنے کے لئے آزاد ہیں۔ اس سے پارٹی کارکنان کا بھی حوصلہ دوبالا ہوتا ہے، کیونکہ وہی تو الیکشن اور سیاست کی جان ہیں۔

ہر کوئی میرا بنیادی ووٹر ہے۔ میں شروع میں تو اس لئے جیت درج کرتا رہا کہ ہر جنس، مذہب اور طبقہ کی حمایت میرے ساتھ رہی۔ قبائلی علاقہ میں میرے ووٹر ہیں، ٹیکنوپارک میں ہیں، ماہی گیر برادری میں ہیں اور تعلیم یافتہ اور اشرافیہ طبقہ میں بھی میرے ووٹر ہیں۔ اور جب میں منتخب ہو جاؤں گا تو یہ تمام میرے اپنے ہی رہیں گے۔ میں ہر کیس کا رکن پارلیمنٹ ہوں، لوگوں کی خدمت کرنا ہی میرا کام ہے۔

حریف جماعت کا ہونے کے باوجود وزیر اعلیٰ پی وجین نے بھی میرے کام کی ٹی وی پر آ کر تعریف کی تھی۔ حقیقت یہی ہے کہ ہر اچھے برے وقت میں لوگوں کے ساتھ ہوں۔ بحران کا وقت ہو یا پھر اوکھی طوفان کا وقت، میں ہر موقع پر موجود رہا۔ میں نے ساحلی علاقہ کے لوگوں کی آواز پارلیمنٹ میں بلند کی۔ میں نے سمندر کے کٹاؤ، ماہی گیروں کے ذریعہ معاش کا مسئلہ اٹھایا اور میں فخر سے کہہ سکتا ہوں کہ کوئی دوسرا رکن پارلیمنٹ نہیں ہے جس نے ان مسائل کو اس طرح اٹھایا ہو۔

ظاہر ہے کہ بہتر تو تب ہوگا جب ہم اقتدار میں آئیں گے کیونکہ تب ہم حکومت سے مطالبہ کرنے کے بجائے بہت سی چیزیں خود ہی پوری کر سکیں گے۔ میرا پہلا ہدف یہاں سے جیت حاصل کرنا ہے لیکن اہم مقصد دہلی میں حکومت تبدیل کرنا اور مرکز میں ایک مزید انسانی، پرواہ کرنے والی اور شمولیت پر مبنی حکومت لانا ہے۔

کانگریس اور لیفٹ دنوں نے ہی اس مسئلہ کو اٹھایا ہے اور اب الیکشن کمیشن کو فیصلہ لینا ہے لیکن سسٹم میں جو بھی ہو، اس سے ان پر لوگوں کے بھروسہ میں کمی آئی ہے۔ ان جیسا آدمی کھاتوں میں ہیر پھیر کر کے ٹیکس ادا نہ کرنے کا کام کس طرح کر سکتا ہے؟ اس کا لوگوں پر کافی اثر ہوا ہے، کیونکہ یہاں تو ٹیکس دینے والے اور قانون پر عمل کرنے والے لوگ ہیں۔ اس لئے لوگوں کو لگتا ہے کہ وہ تو ان کی طرح ہی خوشحال ہیں، پھر بھی مل کے ٹیکس میں کوئی تعاون نہیں کر رہے، جبکہ بی جے پی تو حب الوطنی اور نیشنلزم بکے نعرے لگاتے نہیں تھکتی۔

ہم نے نیائے (انصاف) کے ذریعے تمام مسائل کو سامنے رکھا ہے۔ اس میں نوجوان، خواتین، مزدور اور کسان اہم ایشوز ہیں۔ میرے حلقے کے بھی یہی ایشوز ہیں۔ کسانوں کی تعداد تھوڑی کم ہے لیکن باقی تمام مسائل یہیں ہیں۔ میں تقریباً ہر جگہ گیا ہوں، کارکنوں کے مسائل بہت اہم ہیں۔ نوجوانوں کے حقوق کی بات کی جاتی ہے کیونکہ آج نوجوانوں کو احساس ہے کہ تعلیم مکمل کرنے کے بعد ان کے پاس کوئی امید نہیں ہے۔ خواتین کا مسئلہ ہے، جو کیرالہ میں بھی بہت اہم ہے۔ وہ یہاں کی آبادی میں اکثریت میں ہیں، اس لیے تمام مسائل اہم ہیں۔

دوسرا اہم معاملہ یہ ہے کہ ہم تمام عوام دشمن قوانین کو تبدیل کریں گے۔ مختصراً، میں سمجھتا ہوں کہ ہمارے منشور نے ہمیں طاقت بخشی ہے۔ ہمارا تجربہ یہ رہا ہے کہ لوگ منشور چاہتے ہیں لیکن یہ ضروری نہیں کہ لوگ اسے غور سے پڑھیں اور اس کی بنیاد پر ووٹ دیں، اس میں دیگر عوامل بھی شامل ہیں۔ لیکن اس بار ہمارا منشور عوام نے پڑھ لیا ہے اور یہ ایک بہت ہی موثر دستاویز ہے۔

میں خود منشور کمیٹی کا حصہ تھا، اس لیے پورا مسودہ میری نظر سے گزرا ہے۔ بعد ازاں ورکنگ کمیٹی کے اجلاس میں کچھ تبدیلیاں کی گئیں۔ میں ورکنگ کمیٹی کا ممبر بھی ہوں لیکن انتخابی مہم میں مصروف ہونے کی وجہ سے اس اجلاس میں شرکت نہیں کر سکا۔

کیرالہ کے لیے ایک مسئلہ اہم ہے اور وہ ہے سی اے اے اور یہ ہمارے منشور میں واضح ہے کہ کون سے قوانین کو واپس لیا جائے گا یا تبدیل کیا جائے گا۔ عام طور پر ہم ان تمام قوانین کو تبدیل کریں گے جو عوام دشمن ہیں۔