انٹرویو: جھوٹے وعدوں سے عوام کو بہت دِنوں تک گمراہ نہیں کیا جا سکتا، شیلا دیکشت

چیلنج بہت بڑا تھا۔ اپنی قوت پر کام کرنے کے لیے اقتدار کا ہونا اور ہمیں ہر کام کے لیے لیفٹیننٹ گورنر کے پاس جانا پڑتا تھا۔ ہمیشہ ایسا کچھ نہ کچھ ہوتا تھا جس سے سرکار کو کچھ کام کرنے سے روکا جا سکتا تھا۔ اس لیے ہم نے تعاون کرنے والا پروفائل بنا کر رکھا۔ اس سب کے باوجود ہم میٹرو، سی این جی، ائیر کنڈیشن اور بغیر ائیر کنڈیشن والی بسیں لانے میں کامیاب رہے۔ لیکن اگر آپ آج کیجریوال کو دیکھیں تو وہ طویل مدت تک بسیں لانے کی بات لگاتار کرتے رہے لیکن ایک بھی بس نہیں لائے۔ اس طرح کے ایشوز پر ایل جی کے ساتھ کوئی مسئلہ نہیں ہوتا۔ ہم نے دہلی کی بھلائی کے لیے معاون کی طرح کام کیا۔ ہماری حکومت میں ایک وقت میں اٹل بہاری واجپئی وزیر اعظم تھے اور پھر منموہن سنگھ وزیر اعظم ہوئے تھے۔ اور میں یہ نہیں کہہ سکتی کہ اٹل بہاری واجپئی نے تعاون نہیں کیا، کیونکہ یہ ہر پارٹی کے مفاد میں ہے کہ راجدھانی کو خوبصورت ہونا چاہیے۔

مجھے نہیں لگتا کہ ایسا کرنا مناسب ہے۔ ہمیں شہر کی بہتری کے لیے کام کرنا ہوتا ہے۔ ہمیں قانون اور آئینی ڈھانچے کے دائرے میں کام کرنا ہوتا ہے اور اگر آپ آئین سے باہر قدم رکھنے کی کوشش کرتے ہیں تب مجھے فکر ہے کہ یہ ناکامی آپ کی ہی ہے۔ اس طرح آپ کچھ بھی کرنے میں ناکام ہوتے ہیں۔

پارلیمنٹ کے دونوں ایوانوں کے ذریعہ آئین میں ترمیم کرنے کے بعد ہی ہم اسے حاصل کر سکتے ہیں۔ مجھے لگتا ہے کہ لوگوں کو ورغلایا جا رہا ہے۔

مجھے نہیں لگتا کہ کوئی بھی مرکزی حکومت دہلی کو مکمل ریاست کا درجہ دینا چاہے گی۔ کیونکہ مرکزی حکومت یہاں کے پورے ملک کی نمائندگی کرتی ہے۔ اس لیے یہاں اسے ترقی کی ضرورت ہے جو سبھی ہندوستانیوں کو فخر کرا سکے۔ یہاں ہمیشہ سے یہی مسئلہ رہا ہے۔

ممکن ہے آپ درست فرما رہے ہوں۔ ہو سکتا وہ یہ سب سوچ سمجھ کر رہے ہیں، لیکن کیا اس نے انھیں مدد پہنچائی؟ میں سمجھتی ہوں کہ ان کی شبیہ میں بہت زیادہ گراوٹ آئی ہے۔ لوگوں نے انھیں تاریخی مینڈیٹ دیا تھا، لیکن اب وہ ٹھگا محسوس کر رہے ہیں۔

میں نہیں جانتی اور نہ ہی میں نے ان نوکرشاہوں سے پوچھا ہے جنھوں نے میرے ساتھ کام کیا تھا۔ لیکن انھوں نے اس بات پر تبصرہ کیا تھا کہ ان کے (کیجریوال) ساتھ کام کرنا بہت مشکل ہے کیونکہ وہ دہلی میں نافذ ہونے والے قوانین اور ضابطوں کو نہیں سمجھتے ہیں۔

میں سمجھتی ہوں کہ انھوں نے خود ہی بدعنوانی سے پاک ہونے کی بات کی تھی لیکن کیا کسی اور نے ان کے بارے میں ایسا کہا ہے۔ اگر آپ موجودہ وقت میں صرف اشتہاروں کو دیکھیں تو پوری دہلی میں کسی دیگر پارٹی کے مقابلے عام آدمی پارٹی کے اشتہار بہت زیادہ ہیں۔ ذرا دیکھیے، کوئی دیگر پارٹی، خاص کر کانگریس اس سب کو برداشت کر سکتی ہے۔ اس لیے ہم انھیں بدعنوانی سے پاک کیسے کہہ سکتے ہیں۔

میں ان پر کوئی تبصرہ نہیں کرنا چاہتی کیونکہ وہ ہندوستان کے وزیر اعظم ہیں، لیکن ایک چیز میں کہنا چاہوں گی، اور وہ یہ کہ دیگر وزیر اعظم جس طرح کے وقار کا مظاہرہ کرتے تھے وہ یہاں نہیں ہے۔ یہ ایک سوچ قائم ہوئی ہے کہ یہاں وہ نہیں ہے جو ایک وزیر اعظم سے امید کی جاتی ہے۔

میں حقیقت میں اس بارے میں نہیں جانتی، اس لیے میں اس پر تبصرہ نہیں کر سکتی۔ یاد رکھیں، لوگ جانبدار ہو سکتے ہیں اور اگر ثبوت ہیں تب انھیں انتخابی کمیشن کو دیا جانا چاہیے اور کمیشن کو اس پر کارروائی کرنی چاہیے۔

میں سمجھتی ہوں کہ یہ ہمارے بہترین انتخابی منشوروں میں سے ایک ہے۔ ہمارے منشور میں آمدنی کا ایک بھروسہ ہے تاکہ لوگوں کو ان کی روزی روٹی مل سکے اور یہ فیملی کی خواتین کے لیے بھی ہے۔ مجھے لگتا ہے کہ یہ ان لوگوں کے تئیں سمجھ اور ہمدردی ہے جنھیں اس کی سب سے زیادہ ضرورت ہے۔

ہاں، میں سمجھتی ہوں۔ لوگ اس کے بارے میں بات کرتے ہیں۔ وہ اسے سمجھتے ہیں اور انھوں نے اس کا استقبال کیا ہے۔ انتخابی تشہیر کے دوران جب بھی ہم نے اس کا حوالہ دیا، لوگوں نے تالیاں بجائیں۔

میں سمجھتی ہوں کہ انھوں نے بہت مثبت اثر ڈالا ہے اور وہ بہت مقبول ہو رہی ہیں۔ اگر آپ کو لکھنؤ میں راہل اور پرینکا کا روڈ شو یاد ہو تو لوگوں کا جو رد عمل تھا وہ انتہائی قابل دید تھا۔ انھوں نے ابھی تک جو کچھ کیا ہے اس کے لیے ان کی تعریف کی جاتی ہے۔ ان کا ایپروچ اور ڈائیلاگ کرنے کا انداز بے مثال ہے۔ ہم اس بات کا انتظار کر رہے ہیں کہ وہ دہلی میں انتخابی تشہیر کریں۔

اس کا اندازہ لگانا میرے لیے مشکل ہے کیونکہ انتخاب کئی مراحل میں ہو رہے ہیں اور پہلا مرحلہ کسی خاص علاقے یا حصے کی نمائندگی کر سکتا ہے اور دوسرا مرحلہ سماج کے کسی دوسرے حصے کی نمائندگی کر سکتا ہے۔ ایک علاقے کی امیدیں دوسرے علاقے سے کافی مختلف ہو سکتی ہیں، اس لیے ہمیں کچھ وقت کے لیے انتظار کرنا چاہیے۔

وہ درست کہہ رہے ہیں کیونکہ یہ انتخاب ہندوستان کے اس جمہوری نظریہ کو بچانے کے لیے ہے جس کی بنیاد کانگریس نے رکھی تھی۔