امریکہ: ورجینیا کے کالج میں بندوق بردار کا حملہ، 2 پولیس اہلکار ہلاک

واشنگٹن: امریکی ریاست ورجینیا کے برج واٹر کالج کیمپس میں ایک بندوق بردار نے دو پولیس افسران کو گولی مار کر ہلاک کر دیا۔ یہ اطلاع کالج کے عہدیدار نے ایک بیان میں دی ہے۔

کالج کے اہلکار نے منگل کو کیمپس کمیونٹی کو بھیجے گئے ایک بیان میں کہا ’’آج ہمارے کیمپس کمیونٹی نے ایک المناک سانحہ کا سامنا کیا‘‘ ۔ انہوں نے کہا ’’برج واٹر کالج کے دو افراد کے خلاف بلاوجہ تشدد کیا گیا تھا۔ اس دکھ، غم اور خوف کو لفظوں میں بیان نہیں کیا جاسکتا جس کی وجہ سے ہم سبھی غصہ میں ہیں‘‘۔

فائرنگ کے تبادلے میں ہلاک ہونے والے کمپاؤنڈ کے پولیس اہلکاروں کی شناخت جان پینٹر اور جے جے جیفرسن کے طور پر ہوئی ہے۔ بیان سے قبل ورجینیا پولیس نے کہا کہ فائرنگ میں ملوث مشتبہ شخص کو پولیس حراست میں لے لیا گیا ہے۔