امریکہ: معیشت کے لئے 1.9 ٹریلین ڈالر کا راحت پیکیج

واشنگٹن: عالمی وبا کورونا وائرس ( کووڈ- 19) سے شدید دو چار امریکہ میں معیشت کو پٹری پر لانے کے لئے ایوان نمائندگان نے 1.9 ٹریلین ڈالر کا راحت پیکیج دینے کی ایک قرارداد منظور کی ہے۔ اس قرار پر اب پارلیمنٹ کے ایوان بالا سینیٹ غور کر رہا ہے۔

سینیٹ میں اس قرار داد پر غور کرنے کے لئے ووٹنگ ہوئی، جس میں 51-50 کے فرق سے اسے قبول کرلیا گیا۔ نائب صدر کملا ہیر س نے اپنا ووٹ قرارداد کے حق میں ڈال کر اسے آگے بڑھایا۔ آئندہ کچھ دنوں میں اس قرار داد کو منظوری ملنے کی پوری امید ہے۔ ڈیموکریٹک پارٹی کی اکثریت والے ایوان نمائندگان نے گزشتہ ہفتے ہی اس قرار داد کو 219-212 کے فرق سے منظوری دے دی تھی۔