امریکہ کے وسط مدتی انتخابات میں 82 مسلم نژاد امیدواروں کی کامیابی

واشنگٹن: امریکہ میں منعقد ہونے والے وسط مدتی انتخابات کے دوران 82 مسلم نژاد امیدواروں نے سینیٹ اور ایوان نمائندگان میں منتخب ہونے میں کامیابی حاصل کی ہے۔

مینیسوٹا کے اٹارنی جنرل کیتھ ایلیسن، الہان عمر، راشدہ طالب اور آندرے کارسن سمیت 21 مسلمان دوبارہ منتخب ہوئے، ہیں جبکہ 16 نئے مسلمان ان میں شامل ہو گئے، جس کے بعد ملک بھر میں مسلم ریاستی قانون سازوں کی تعداد 43 ہو گئے۔

ترک میڈیا میں شائع خبر کے مطابق امریکہ میں 8 نومبر کو منعقدہ وسط مدتی انتخابات میں 82 مسلم نژاد امیدواروں نے اپنے حریفوں کو مات دیتے ہوئے انتخابات میں کامیابی حاصل کی ہے۔

جیٹ پیک اور امریکن-اسلام تعلقات کونسل کی جانب سے بتایا گیا ہے کہ امریکہ میں 82 مسلم نژاد امیدواروں کو وفاقی و ریاستی نشستوں پر منتخب کیا گیا ہے۔ اس سے قبل سال 2020 میں ان امیدواروں کی تعداد 71 تھی۔

انتخابات میں کامیاب ہونے والی 23 سالہ نبیلہ سید سب سے کم عمر کی ہندوستانی نژاد امریکی خاتون ہیں۔ سید کی مہم کی ویب سائٹ کا کہنا ہے کہ اس نے یونیورسٹی آف کیلیفورنیا، برکلے سے پولیٹیکل سائنس اور بزنس ایڈمنسٹریشن میں ڈگری کے ساتھ گریجویشن کیا، جہاں انہوں نے مقامی کاروباروں اور غیر منافع بخش اداروں کی مدد کرنے والی ایک پرو بونو مشاورتی تنظیم کی صدر کے طور پر خدمات انجام دیں۔

الیکشن جیتنے کے بعد نبیل سید نے لکھا، ’’میرا نام نبیلہ سید ہے۔ میں ایک 23 سالہ مسلمان، ہندوستانی نژاد امریکی خاتون ہوں۔ ہم نے ابھی ریپبلکن کے زیرِ انتظام مضافاتی ضلع پر اقتدار تبدیل کر دیا ہے۔ اور میں جنوری میں الینوائے جنرل اسمبلی کی سب سے کم عمر رکن بنوں گی۔‘‘

جہاں، ڈیموکریٹس کی منا عابدی، ڈیکا دلیک، اور امبرین رانا مائن اسٹیٹ لیجسلیچر کے لیے منتخب ہوئے، اوہائیو ڈیموکریٹس منیرہ عبداللہی اور اسماعیل محمد ریاستی مقننہ میں خدمات انجام دینے کے لیے منتخب ہوئے۔ ٹیکساس میں سلمان بھوجانی اور سلیمان لالانی ریاستی مقننہ کے لیے منتخب ہوئے ہیں، جبکہ روا رومان، فاروق مغل، اور شیخ رحمن جارجیا کے اسٹیٹ ہاؤس کے لیے منتخب ہوئے ہیں۔

انتخابی نتائج کے بعد جارجیا امریکہ میں مسلم ریاستی قانون سازوں کی دوسری سب سے زیادہ تعداد ہے۔ منیسوٹا میں جہاں ریاستی ایوان کے لیے سب سے زیادہ مسلمان منتخب ہوئے ہیں، زینب محمد ریاستی سینیٹ کے لیے منتخب ہونے والی پہلی مسلمان خاتون بن گئیں۔

(یو این آئی ان پٹ کے ساتھ)