ٹرمپ کو جھٹکا ، روس نے ایران کے مسئلے پر ٹرمپ کی بات نہیں سنی

امریکی صدر ڈونالڈ ٹرمپ کے انکار کے باوجود روس کے صدر ولادیمیر پوتن کی جانب سے خلیج فارس اور ایران مسئلے پر مذاکرہ کے لیے اقوام متحدہ کی سلامتی کونسل کے رکن ممالک، جرمنی اور ایران کے رہنماؤں کا ایک آن لائن اجلاس منعقد کرنے کی تجویز اب بھی برقرار ہے۔

روس کے نائب وزیر خارجہ سرگئی ریابکوو نے اتوار کے روز اس تجویز کا دعویٰ کیا۔ انہوں نے یہ پوچھے جانے پر کہ مسٹر ٹرمپ کے بیان کے سامنے آنے کے بعد اجلاس منعقد کرنے کی پہل تجویز برقرار ہے تو انہوں نے کہا،’بلا شبہ، ہاں‘۔

انہوں نے خلیج فارس میں کشیدگی کو مزید بڑھنے سے روکنے کے لیے امریکہ سے اس پہل پرعمل درآمد کے مفادات کا جائزہ لینے کی بھی گذارش کی۔

غور طلب ہے کہ مسٹر ٹرمپ نے ہفتے کے روز کہا تھا کہ وہ ایران مسئلے پر آن لائن چوٹی کانفرنس منعقد کرنے کی مسٹر پوتن کی پہل کی حمایت نہیں کریں گے۔ انہوں نے کہا کہ اس کے بجائے وہ الیکشن تک انتظار کریں گے۔

اس سے پہلے جمعہ کے روز مسٹر پوتن نے اقوام متحدہ کے سلامتی کونسل کے رکن ممالک، جرمنی اور ایران کے رہنماؤں کی حصہ داری کے ساتھ خلیج فارس میں کشیدگی ختم کرنے کے لیے ویڈیو کانفرنس منعقد کرنے کا مشورہ دیا۔