عالمی خبریں
فلسطینیوں کو اُن کے حقوق اور مادر وطن سے محروم رکھا گیا: ایس جے شنکر
مرکزی وزیر خارجہ ایس جے شنکر نے نے اپنے ملیشیا دورے کے دوران اسرائیل-فلسطین تنازعہ کے حل کے لیے دو-ریاستی حل کی حمایت کی ہے۔ انہوں نے کہا کہ فلسطینیوں کو ان کے حقوق اور مادر وطن سے محروم رکھا گیا ہے
تصویر بشکریہ ایکس
کوالالمپور: مرکزی وزیر خارجہ ایس جے شنکر نے کہا ہے کہ اسرائیل اور فلسطین کے درمیان جاری تنازعہ میں جو بھی صحیح یا غلط ہو، حقیقت یہ ہے کہ فلسطینیوں کو ان کے حقوق اور وطن سے محروم رکھا گیا ہے۔
انہوں نے کہا، ’’7 اکتوبر کو جو ہوا وہ دہشت گردانہ حملہ تھا، دوسری طرف کوئی بھی معصوم شہریوں کی موت کو برداشت نہیں کرے گا۔ آپ جوابی کارروائی کا جواز پیش کر سکتے ہیں لیکن یہ عمل کا طریقہ نہیں ہو سکتا۔ جوابی کارروائی صرف بین الاقوامی انسانی قانون کے مطابق کی جانی چاہیے۔‘‘
جے شنکر غزہ میں جاری اسرائیلی کارروائی کی طرف اشارہ کر رہے تھے۔ یہ تمام باتیں انہوں نے اپنے دورہ ملائیشیا کے دوران کہیں۔ ہندوستان نے ہمیشہ اسرائیل فلسطین تنازعہ کے حل کے لیے دو ملکی حل کی حمایت کی ہے یعنی اس کا موقف ہے کہ فلسطینیوں کے لیے ایک الگ خود مختار ملک ہونا چاہیے۔
Published: undefined
جے شنکر کا یہ بیان ایسے وقت آیا ہے جب اقوام متحدہ کی سلامتی کونسل غزہ میں جنگ بندی کی قرارداد منظور کر چکی ہے، جس کی وجہ سے اسرائیل امریکہ سے ناراض ہے۔ بی بی سی ہندی کے مطابق، مودی حکومت کی شبیہ اسرائیل کے دوست کے طور پر ہے لیکن جے شنکر کا بیان اسرائیل کو تلخ لگ سکتا ہے!
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined