لندن پولیس نے 20 ماحولیاتی کارکنوں کو گرفتار کر لیا

لندن: لندن میں پولیس نے کم از کم 30 ماحولیاتی کارکنوں کو گرفتار کیا ہے۔ پولیس نے بتایا کہ ان افراد کو احتجاج کے دوران ہفتہ کے روز لیمبتھ برج کو بلاک کرنے پر گرفتار کیا گیا۔ پولیس نے ہفتے کے روز دیر گئے ٹویٹ کیا’’ لیمبتھ برج کو اب دوبارہ کھول دیا گیا ہے۔ ایس 14 شرائط کی خلاف ورزی پر 30 گرفتاریاں کی گئیں۔ ہم مظاہرین کو ہٹانے کے لیے کارروائی جاری رکھیں گے۔‘‘

پولیس نے کہا کہ تمام مظاہرین کو ہٹا دیا گیا ہے اور سڑک کو دوبارہ کھول دیا گیا ہے۔ یہ بات قابل ذکر ہے کہ ’انسولیٹ برٹین‘ تحریک کے مظاہرین حکومت سے مطالبہ کر رہے ہیں کہ موسمیاتی تبدیلیوں سے نمٹنے کے لیے گھروں کو انسولیٹ اور دوبارہ تیار کیا جائے۔ نو ارکان کی گرفتاری اور قید کے خلاف ماحولیات کے کارکنوں نے ہفتے کے روز احتجاج کیا اور لیمبتھ پل کو بلاک کردیا۔