شکست ہوئی تو ٹرمپ پرامن انداز میں اقتدار کی منتقلی کریں گے، رابرٹ او برائن کی یقین دہانی

واشنگٹن: امریکی قومی سلامتی کے مشیر رابرٹ او برائن نے اعتماد کا اظہار کیا ہے کہ ملک میں نومبر میں ہونے والے انتخابات کے نتائج جو بھی ہوں صدر ڈونالڈ ٹرمپ اسے قبول کریں گے۔ ٹرمپ انتخابی نتائج میں شکست ہاتھ لگنے پر اقتدار کی پرامن منتقلی کے سوال کو اب تک مسلسل نظرانداز کرتے آئے ہیں۔ اس کے سبب امریکہ کے جمہوری نظام کے تعلق سے مسلسل سوال اٹھائے جا رہے ہیں۔ اوبرائن نے پالیٹکو کو دیئے انٹرویو میں کہا کہ ’’اگرانتخابات میں ان کی شکست ہوتی ہے تو میں یقینی طور سے کہہ سکتا ہوں کہ صدر پرامن طریقے سے اقتدار کی منتقلی کر دیں گے۔

امریکہ کے قومی سلامتی مشیر نے کہا کہ’’لیکن ہمیں یہ یقین کرنا ہوگا کہ انتخابات میں کسی طرح کی کوئی گڑبڑی نہ ہو۔ انتخابات آزادانہ اور منصفانہ ہونے چاہیے۔ جیسا کہ ہم دنیا کے دیگر ممالک میں ہونے والے انتخابات کے تعلق سے کہتے ہیں۔ ہمیں اپنے مطالبات خود پورے کرنے ہوں گے۔ امریکہ میں ماہرین انتخابی نتائج میں گڑبڑی کا خدشہ ظاہرکرتے ہوئے خبردار کیا ہے۔ ماہرین کے مطابق کورونا وائرس (کووڈ-19) کے انفیکشن کے خطرے کو نظرانداز کر کے ریپبلک پارٹی کے حق میں ووٹنگ کریں گے، جبکہ پوسٹل بیلٹ کے ذریعے ووٹ ڈالنے والے ڈیموکریٹک پارٹی کو ووٹ دیں گے۔