مغربی کنارہ کے جنین میں اسرائیلی آپریشن روکنے کے لیے مصر کا اسرائیل سے رابطہ

قاہرہ: مصر مغربی کنارے کے جنین میں اسرائیلی کارروائیوں کو روکنے کے لیے اسرائیل سے رابطے میں ہے۔ القاہرہ نیوز نے منگل کو مصری ذرائع کے حوالے سے یہ اطلاع دی۔ قبل ازیں فلسطینی وزارت صحت نے کہا تھا کہ جنین میں اسرائیلی کارروائیوں میں آٹھ فلسطینی ہلاک اور 50 سے زائد زخمی ہوئے، جن میں سے 10 کی حالت تشویشناک ہے۔

اسرائیل نے پیر کے روز مغربی کنارے میں اپنا اب تک کا سب سے بڑا فضائی اور زمینی حملہ کیا۔ اسرائیل کی دفاعی افواج کے طیاروں نے جنین میں واقع پناہ گزین کیمپ میں مبینہ دہشت گردی کے بنیادی ڈھانچے پر 10 سے زیادہ حملے کیے ہیں۔ اسرائیلی فوج نے کہا کہ اس نے ایک میزائل لانچر، ہتھیار اور گولہ بارود برآمد کیا ہے۔