کورونا وائرس: لکھنؤ میں پیشگی پختہ انتظامات

لکھنؤ: اترپردیش کی راجدھانی لکھنؤ میں کورونا وائرس کے حملے سے نپٹنے کے لئے اسپتالوں میں پیشگی طور سے پختہ انتظامات کیے گئے ہیں۔ آفیشیل ذرائع نے بدھ کو یہاں بتایا کہ الگ۔الگ اسپتالوں میں 71 بستر مختص کیے گئے ہیں۔ اموسی ائیر پورٹ پر چھ ڈاکٹروں کو ڈیوٹی لگائی گئی ہے۔ کورونا وائرس کے لئے سبھی اسپتالوں میں آئیسولیشن وارڈ بنائے گئے ہیں۔

کنگ جارج میڈیکل یونیورسٹی (کے جی ایم یو) میں 21 سنجے گاندھی انسٹی ٹیوٹ (پی جی آئی)، لوہیا، سول، بلرامپور اور لوک بندھو اسپتال میں دس۔ دس بستر مختص کیے گئے ہیں۔ سبھی ضلعی اسپتالوں کے دو ۔دو لیب ٹیکنیشین کو نمونے لینے کی ٹریننگ دی جا چکی ہے۔

چیف میڈیکل افسر (سی ایم او) ڈاکٹر نریندر اگروال نے بدھ کو یہاں بتایا کہ چین سمیت مختلف اضلاع سے آنے والے مسافروں کی ائیر پورٹ پر تھرمل اسکینر سے جانچ کی جارہی ہے۔ اس کے لئے ائیر پورٹ پر ایک تھرمل اسکینر اور دو انفراریڈ تھرما میٹر کا انتظام کیا گیا ہے۔ اس سے مریض کا درجہ حرارت اور دیگر حالات کا پتہ چلتا ہے۔ جانچ کے لئے چھ ڈاکٹروں، آٹھ پیرامیڈیکل اسٹاف کی ڈیوٹی لاگئی گئی ہے۔

انہوں نے کہا کہ کورونا وائرس سے گھبرانے کی ضرورت نہیں ہے۔ کے جی ایم یو میں جانچ کی سہولت ہونے سے 48 گھنٹوں کے اندر پورٹ آجاتی ہے۔ کورونا وائرس سے متعلق کنٹرول روم کھلا ہوا ہے۔ یہاں کسی بھی طرح کا بھی شبہ ہونے پر فون کر کے جانکاری حاصل کی جاسکتی ہے۔ محکمہ کے پاس وافر مقدار میں پی پی آئی کٹ، این 25 ماسک اور ٹریپل لیئر ماسکٹ دستیاب ہیں۔ ائیر پورٹ پر 24 گھنٹے ایمبولنس موجود ہے۔

سی ایم او رنے بتایا کہ ضلع کے سبھی تھانہ انچارجوں کو بھی خط بھیجا گیا ہے۔ خط میں کہا گیا ہے کہ محکمہ صحت کی جانب سے بھیجی گئی فہرست میں درج افراد کی اسکریننگ میں محکمہ صحت کا تعاون کریں۔ محکمہ کی جانب سے 19 ٹیمیں تشکیل دی گئی ہے۔ انڈین میڈیکل ایسوسی ایشن اور نرسنگ ہوم ایسوسی ایشن سے بھی مدد لی جارہی ہے۔ اس کے علاوہ پی ڈبلیو ڈی، تعلیم، پنچایتی راج، اطفال بہبود اور محکمہ تغذیہ سے بھی تعاون لیا جارہا ہے۔